Hechos 19:22 - Emberá Chamí

²² Maud̶eeba ichi aid̶abadaurã Timoteo maud̶e Erasto Macedonia druad̶aa naa bʉisii maamina ichi Asia druad̶e b̶eesii.

Hechos 19:22 Mawu Ofanana

Hechos 13:5

Salamina puurud̶e need̶aped̶a judiorã araa ãbua imibadau decha Dachi Akõre bed̶ea jaradeasid̶au. Ãchi aid̶ai baita Juan Marcos ãchi baara nibasii.

Hechos 16:1

Maud̶e Pablo Derbe puurud̶e neeped̶a Listra puurud̶aa wãsii. Aria Jesusd̶e ijãa nii Timoteo abadau b̶uasii. Timoteo nawe judio basii; Jesusd̶e ijãa nibasii. Ichi akõre griego basii.

Hechos 16:3

Maud̶e Pabloba Timoteo adoe kʉ̃ria b̶uasii. Maamina jomaurãba kuitaa panasid̶au Timoteo akõre griego basii. Maud̶eeba Pabloba Timoteo chi kakua tõosii judiorã mau druad̶e nureeba ichi ʉ̃rʉbena kachirua kʉ̃risiarãad̶amera. Maabáeburu wãsid̶au.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 19:21

Mau maad̶akare Pabloba ichi sõd̶e kʉ̃risiasii Macedonia druad̶e maud̶e Acaya druad̶e nibaped̶a Jerusalén puurud̶aa wãi. Maud̶e jarasii: «Jerusalend̶e b̶uaped̶a mʉ Roma puurud̶aa wãi b̶uu».

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Hechos 20:1

Maka kĩrubika duanuu apiisid̶aud̶e Pabloba chi Jesusd̶e ijãa nuree iukuaped̶a ãchi ome berreasii Dachi Mechiud̶e biꞌia ijãad̶amera. Maabae wãaruu aped̶a Macedonia druad̶aa wãsii.

Hechos 20:34

Machiba ãrea kuitaa panuu ara mʉ juaba trajasii mʉʉba uru b̶uai b̶uu adaui baita maud̶e mʉ baara nibabadaurãmaa deai baita.

Romanos 16:23

Ãba Gayo bid̶a kʉ̃ria b̶uu machi biꞌia duanad̶ai. Mʉ ichi ded̶e b̶uu. Ãbarã jomaurã ichi ded̶e araa ãbua imi panuu. Nau puurud̶ebena chi nejarra nubarii Erastoba maud̶e ãba Cuarto kʉ̃ria panuu machi biꞌia duanad̶ai.

2 Corintios 1:16

Mʉʉba kʉ̃risia b̶uasii Macedonia druad̶aa wãaruud̶e naa machi ichiad̶e wãi. Maabae Macedoniad̶aa wãped̶a waya machi ichiad̶e wãi kʉ̃risia b̶uasii. Maka Judea druad̶aa wãaruud̶e machiba mʉ poyaa aid̶ad̶ai kʉ̃risia b̶uasii.

2 Corintios 11:9

Mʉ machimare b̶uasiid̶e ne joma uru b̶uabasmina machimaa ne id̶iibasii. Maumaarã mʉʉba wãꞌãe b̶uad̶a ãbarã Macedoniad̶ebena neeped̶aad̶aba joma mʉʉmaa deasid̶au. Mʉʉba ne ab̶a bid̶a machimaa id̶iibasii maud̶e id̶iwẽa b̶uai.

2 Corintios 2:13

Maamina mʉ ãba Tito unuwẽed̶eeba jirukaraa b̶uasii. Maud̶eeba ãbarã ome araa ãbua neesiid̶e mʉ wãi asii. Ara makʉd̶e Macedonia druad̶aa Tito jʉrʉd̶e wãsii.

2 Corintios 8:1

Mau awara ãbarã, daiba kuitaabiai kʉ̃ria panuu Dachi Akõreba ichi sõbiad̶eeba ãbarã Macedonia druad̶ebenarã aid̶a b̶uu.

2 Corintios 8:19

Mau awara ãbarã puuruchad̶ebenaba ichi jʉrʉ adausid̶au dai ome chi nejarra ãbarã baita peped̶aad̶a Jerusalend̶aa dead̶e wãmera. Mau daiba wau panuu ãbarãba Dachi Mechiumaa biꞌia berread̶amera maud̶e daiba biawãra aid̶a kʉ̃ria panuu unubid̶ai baita.

1 Tesalonicenses 1:8

Maarãburu Dachi Mechiu ʉ̃rʉbena bed̶ea machid̶ebena ũriped̶aad̶awãe basii; maumaarã druacha ẽbẽrarãba kuitaasid̶au machiba Dachi Akõred̶e ijãa panuu. Maud̶eeba ¿daiba machi ʉ̃rʉbena kãare maucha jarad̶aima?

2 Timoteo 4:20

Ãba Erasto Corinto puurud̶e b̶eesii. Ãba Trófimo ẽpermo b̶uasiid̶eeba mʉʉba ichi Mileto puurud̶e b̶ʉisii.