Hechos 18:19 - Emberá Chamí

¹⁹ Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.

Hechos 18:19 Mawu Ofanana

Hechos 18:20

Ãchiba maumaa chi chuburia id̶isid̶au aria ãchi baara maucha ãrea b̶eemera, maamina b̶ee kʉ̃riabasii.

Hechos 18:21

Maamina wãaruud̶e naka jarasii: —Dachi Akõreba kʉ̃riaruubʉrã mʉ waya machi ichiad̶e neei. Maabae jãbad̶e atauped̶a Efesod̶ebena wãsii.

Hechos 18:24

Maumisa judio Apolos abadau Éfeso puurud̶e neesii. Mau Apolos Alejandría puurud̶ebena basii. Mau biꞌia berreabachii maud̶e Dachi Akõre karta ãrea kuitaa nibasii.

Hechos 18:4

Bari panabadau ewaricha Pablo judiorã araa ãbua imibadau ded̶e berrea b̶uabachii judiorãba maud̶e griegorãba Jesusd̶e ijãad̶amera.

Hechos 19:1

Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.

Hechos 19:17

Joma Efesod̶e nuree judiorãba maud̶e griegorãba mau kuitaasid̶aud̶e wapeasid̶au. Maud̶e Dachi Mechiu Jesús trʉ̃ ʉ̃rʉbena biꞌia berreasid̶au.

Hechos 19:26

Maamina machiba unu panuu maud̶e ũri panuu jãu Pabloba Dachi Akõre kĩra nii juaba kaped̶aad̶a chi biawãrawãe abarii. Ichiba nau Efesod̶e maud̶e beraa joma Asia druad̶e maka jara nii. Maud̶eeba ãrea ẽbẽrarãba Artemisa ida b̶uuduu.

Hechos 19:28

Mau bed̶ea ũrisid̶aud̶e ãrea kĩrud̶aped̶a b̶ia jara duaneesid̶au: «¡Ãrea biꞌia nii Artemisa Efesod̶ebena!»

Hechos 19:35

Maabae mau puurud̶ebena secretarioba ẽbẽrarã chũpea panabiasii maabae jarasii: «Efesod̶ebenarã, jomaurãba kuitaa panuu, dachi puurud̶ebenarãba chi Artemisa de mechiu b̶uu maud̶e chi ara ichi kĩra juaba kaped̶aad̶a, bajãad̶ebena b̶aed̶a biꞌia nubadau.

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

Hechos 20:17

Mileto puurud̶e b̶uud̶e Pabloba Efesod̶ebena ijãabadaurã nubadaurã iubiasii.

Hechos 21:29

Maka jarasid̶au Trófimo Efesod̶ebena Pablo ome puurud̶e niiba unuped̶aad̶ad̶eeba. Kʉ̃risiasid̶au Pabloba Trófimo Dachi Akõre de mechiu kaita ed̶a adoe b̶uasii.

1 Corintios 15:32

Éfeso puurud̶e Dachi Akõre bed̶ea jaradeai baita mʉ ãrea biꞌiwãe b̶uasii ãnimara kachirua nuree ome chĩo b̶uu kĩra. Biuped̶aad̶a chokae jiradud̶aabaibʉrã, ¿mʉ ãrea biꞌiwãe b̶uasiid̶eeba kãare biꞌia adausma? Biawãra dachi chokae jiradud̶aabaibʉrã, biꞌia b̶uu waud̶ai waabenarãba jarabadau kĩra: «Biꞌia kod̶ai, itua dod̶ai nu biud̶aid̶eeba».

1 Corintios 16:8

Nama Éfeso puurud̶e b̶uai ab̶a Pentecostés bari panabadau ewari wãꞌãeruud̶aa.

Efesios 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶abʉ. Mʉʉba nau karta b̶ʉmaa b̶uu joma Dachi Akõred̶erã ẽbẽrarã Jesucristod̶e ijãa nuree Éfeso puurud̶ebenarã baita.

1 Timoteo 1:3

Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.

2 Timoteo 1:18

Mʉʉba kʉ̃ria b̶uu Dachi Mechiuba kastikai ewarid̶e mau kĩra chuburiai. Bichiba kuitaa b̶uu Onesiforoba Efesod̶e ãrea aid̶asii.

2 Timoteo 4:12

Ãba Tíquico mʉʉba Efesod̶aa bʉisii.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

Apocalipsis 2:1

»Chi Éfeso puurud̶ebena ijãabadaurã nubarii ángel baita kartad̶e naka b̶ʉse: »Chi jua biare 7 pusterrea uru b̶uuba maud̶e 7 lámpara nee waud̶a tãed̶e niiba naka jara b̶uu: