Hechos 17:7 - Emberá Chamí

⁷ Mau awara Jasonba maarã mukĩrarã ichi ded̶e biꞌia irsibisii. Maarãba waud̶akau Romad̶ebena chi aude mechiu niiba waubi b̶uu kĩra. Bari jara panuu ichi audeara rey ab̶a mechiu nii, Jesús abadau».

Hechos 17:7 Mawu Ofanana

Lucas 10:38

Od̶e wãaduud̶e Jesús maud̶e chi ichi baara nibabadaurã puuru kaebeud̶e neesid̶au. Aria wẽra Marta abadau b̶uabachii. Mau Martaba Jesús ichi ded̶e biꞌia irsibisii.

Lucas 23:2

Maabae Jesús Pilato daad̶e naka jidea kopaneesid̶au: —Daiba ũrisid̶au nau mukĩraba dai puuru kĩrubikabi b̶uu. Mau Jesusmaarã, Romad̶ebena chi aude mechiu nii baita pebadau chi nejarra paad̶aabai b̶uu. Mau awara jara b̶uu ichi Dachi Akõreba chi Karibabarii deai jarad̶a. Mauba ichi jomaurã rey a b̶uu.

Juan 19:12

Mau ũrisiid̶e Pilato kʉ̃risia b̶eesii Jesús saka ida bʉi. Maamina judiorãba waya jĩwa jara kopaneesid̶au: —Bichiba jãu ẽbẽra ida bʉiruubʉrã bichiba Romad̶ebena chi aude mechiu ome biawãra kõpaerowãe. Barikiuba ara ichi rey nii aaruubʉrã, mau ẽbẽra Romad̶ebena chi aude mechiu ome kĩramaa nii.

Hechos 16:21

Chi dachi romad̶ebenarãba waud̶akau jãarãba mau jaradea panuu.

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.

Hechos 17:8

Mau ũrisid̶aud̶e puurud̶ebenarã maud̶e ãchi karrarã kĩrusid̶au.

Santiago 2:25

Ara mau kĩra wẽra aud̶ua nii Rahaba waud̶a kakua Dachi Akõreba ichi jipa nii unusii. Josueba bʉid̶arã orrõodad̶amera ichi ded̶e biꞌia irsibisii maud̶e o ãyare waya wãbiasii.

1 Pedro 2:15

Dachi Akõreba kʉ̃ria b̶uu machiba biꞌia wau panad̶ai. Maka machiba chi kʉ̃risiaswãe nuree chũpeabid̶ai, adua panuud̶ebena machi ʉ̃rʉbena kachirua jarabadaud̶eeba.