Hechos 16:23 - Emberá Chamí

²³ Ãrea ud̶aped̶a jʉ̃a kub̶usid̶au. Chi jʉ̃a duanuu nubariimaa jarasid̶au ãrea numera.

Hechos 16:23 Mawu Ofanana

Mateo 26:48

Chi jidaubii b̶uuba ãchimaa jara b̶uasii saka waui sãu Jesús kuitaad̶amera. Naka jarasii: «Chi mʉʉba kĩedarrd̶e ĩyaaruu, Jesusbʉ. Mau jidáusturu».

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Hechos 12:18

Ewarisiid̶e kokoroarã pera ororoa nub̶eesii, kuitaad̶aabasiid̶eeba Pedro samaa wãsii.

Hechos 12:4

Pedro jidaubiped̶a jʉ̃abisii. Maabae kokoroarã 16 adoeped̶a kimãrecha Pedro nubiasii. Herodesba kʉ̃risia b̶uasii Pascua ewari wãꞌãed̶akare, Pedro nebʉra jarai jomaurã daad̶e.

Hechos 16:27

Maud̶e chi jʉ̃a duanuu nubarii ʉ̃rʉmasii. Chi poraa ewa poe unusiid̶e kʉ̃risiasii chi jʉ̃a duanad̶a joma jĩichoasid̶au. Maud̶eeba ichi espada erta adausii ichi du ab̶a biui baita.

Hechos 16:36

Maabae chi jʉ̃a b̶ee nubariiba Pablomaa jarasii: —Chi jaradea ua b̶uabadaurãba jarabʉisid̶au, mʉʉba machi awara wãbiamera. Maud̶eeba namabena jirukaraayuwãe wã́sturu.

Hechos 5:18

Maud̶eeba chi Jesusba bʉid̶arã jidaud̶aped̶a jʉ̃a bʉikasid̶au.

Hechos 5:23

—Ichiad̶e wãsid̶aud̶e, chi ẽbẽra jʉ̃abadau biꞌia jʉ̃a nub̶uasii, maud̶e chi ẽbẽra jʉ̃abadau nubadaurãba poraad̶e numaa panasid̶au. Maamina chi poraa ewasid̶aud̶e, ab̶a bid̶a unud̶aabasii.

Hechos 8:3

Maud̶e Sauloba chi Jesusd̶e ijãabadaurã jʉrʉsii waa ijãarãad̶amera. Decha wãped̶a mukĩrarã maud̶e wẽrarã jidaukuaped̶a jʉ̃a b̶ubadaumaa errb̶ari adoebachii.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 6:5

Soaba pe panuud̶e, jʉ̃a uru panuud̶e maud̶e dai kakua kĩrubika panuud̶e maka unubia panuu. Ãrea traja panuud̶e, kãi b̶eed̶awẽa panuud̶e maud̶e jarrbisia panuud̶e maka unubia panuu.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.