Hechos 16:13 - Emberá Chamí

¹³ Bari panabadau ewarid̶e dai puuru awara wãd̶aped̶a doed̶aa wãsid̶au. Kʉ̃risiasid̶au aria judiorãba Dachi Akõremaa ʉtaa id̶ibadau. Wãaduud̶e wẽrarã ãbua panuu unusid̶au. Jeed̶a akʉ paneed̶aped̶a daiba ãchimaa berreasid̶au.

Hechos 16:13 Mawu Ofanana

Mateo 13:2

Maud̶e ẽbẽrarã ãrea araa imi nub̶uasii ichimaa ara kaita. Maud̶eeba Jesús jãba ab̶ad̶e ʉtʉ wãsii maabae akʉ b̶eesii. Ẽbẽrarã ibud̶e mar iikaa duaneesid̶au.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Lucas 13:10

Bari panabadau ewarid̶e Jesusba judiorã araa ãbua imibadau ded̶e jaradea b̶uasii.

Juan 8:2

Norema daped̶e waya Dachi Akõre de mechiu dud̶aa wãsii. Aria b̶uud̶e ẽbẽrarã ãrea ichimaa neesid̶au. Jeed̶a akʉ b̶eeped̶a ãchimaa jaradea kob̶eesii.

Hechos 13:14

Ãchi Perged̶e panaped̶a wãsid̶au Antioquía puurud̶aa. Mau puuru Pisidia druad̶e b̶uu. Aria bari panabadau ewarid̶e judiorã araa ãbua imibadau ded̶e ed̶a wãd̶aped̶a akʉ paneesid̶au.

Hechos 13:42

Pablo maud̶e Bernabé judiorã araa ãbua imibadau ded̶ebena wãaduud̶e ẽbẽrarãba chi chuburia id̶isid̶au chi ab̶abena bari panabadau ewari neeruud̶e mau ʉ̃rʉbena berread̶amera.

Hechos 16:16

Ewari ab̶ad̶e Dachi Akõremaa ʉtaa id̶ibadaumaa wãaduud̶e daiba chi bari trajabarii ãwera jai kachirua uru b̶uu unusid̶au. Mau chi ãweraba chi jai kachiruad̶eeba ne jarabachii kãare sãai b̶uu. Maud̶eeba ichi chibarirãba ãrea chi nejarra adaubachid̶au.

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 17:2

Pabloba waubarii kĩra chi judiorã araa ãbua imibadau deemaa wãsii. Misad̶e õbea bari panabadau ewaricha ãchi ome bed̶ea b̶uabachii.

Hechos 18:4

Bari panabadau ewaricha Pablo judiorã araa ãbua imibadau ded̶e berrea b̶uabachii judiorãba maud̶e griegorãba Jesusd̶e ijãad̶amera.

Hechos 20:7

Maabae nabena ewari misad̶e Jesusd̶e ijãabadaurã ome araa ãbua panasid̶aud̶e pan b̶ʉad̶aped̶a kosid̶au. Maud̶e Pabloba jaradea b̶uasii. Norema wãi b̶uud̶eeba ẽsabud̶e ẽsab̶aare baaruud̶aa berrea b̶uasii.

Hechos 21:5

Maamina 7 ewari basiid̶e dai wãsid̶au. Joma ãbarã, ãchi wẽrarã maud̶e ãchi warrarã dai baara puuru awara wãsid̶au. Aria mar iikaa ibud̶e õdarrd̶e duaneed̶aped̶a Dachi Akõremaa ʉtaa id̶isid̶au.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.