Hechos 15:4 - Emberá Chamí

⁴ Jerusalend̶e neesid̶aud̶e chi ãbarã, chi Jesusba bʉid̶arã maud̶e chi ijãabadaurã nubadaurãba ãchi biꞌia irsibisid̶au. Pablo maud̶e Bernabeba joma Dachi Akõreba ãchiba judiowãerã tãed̶e wauped̶aad̶a nebʉrʉsid̶au.

Hechos 15:4 Mawu Ofanana

Mateo 10:40

»Chi machi biꞌia irsibiiduurã, mʉ irsibibadau. Maud̶e mʉ irsibiiduu chi mʉ bʉid̶a irsibibadau.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Hechos 15:12

Bernabé maud̶e Pabloba nebʉrʉsid̶au Dachi Akõreba ẽbẽrarãba ne poyaa waud̶akau ãchid̶eeba judiowãerã tãed̶e waud̶a. Mauba kuitaabiasii ichi ãchi ome b̶uasii. Maud̶e jomaurãba chũpea ũri duanasid̶au.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:3

Ãbarã Antioquiad̶ebenarãba bʉisid̶aud̶e ãchi Fenicia druad̶e maud̶e Samaria druad̶e nibasid̶au. Puurucha nebʉrʉsid̶au saka judiowãerãba ãchi kʉ̃risia chõra ida b̶ud̶aped̶a Jesusd̶e ijãasid̶au. Mau bed̶ea ũrisid̶aud̶e joma ãbarã kĩrajʉʉsid̶au.

Hechos 15:6

Maka chi Jesusba bʉid̶arã chi ijãabadaurã nubadaurã baara araa ãbua imisid̶au mau ʉ̃rʉbena berread̶ai baita.

Hechos 16:4

Ãchi wãaduu puurucha jarasid̶au Jesusba bʉid̶arãba maud̶e ijãabadaurã nubadaurã Jerusalend̶e nureeba kartad̶e b̶uped̶aad̶a ãbarãba maka wau panad̶amera.

Hechos 18:27

Mau maad̶akare Apolos Acaya druad̶aa wãi kʉ̃ria b̶uasii. Maud̶eeba ãbarã Efesod̶ebenaba karta chi arabena baita b̶ʉsii biꞌia irsibid̶amera. Aria neesiid̶e Apolosba Dachi Akõre sõbiad̶eeba chi Jesusd̶e ijãaped̶aad̶a ãrea aid̶asii.

Hechos 21:17

Jerusalend̶e neesid̶aud̶e ãbarãba dai ãrea kĩrajʉʉ adoesid̶au.

Hechos 21:19

Maabae Pabloba «ajá» aped̶a Dachi Akõreba chi Pablod̶eeba judiowãerã tãed̶e waud̶a joma arakʉd̶e nebʉrʉsii.

Romanos 15:18

Maamina ara mʉ ʉ̃rʉbena ne ab̶a bid̶a biꞌia berreabai. Biꞌia berrearuu Cristoba mʉʉd̶eeba waud̶a ʉ̃rʉbenáturu. Biawãra mʉʉd̶eeba Cristoba aid̶asii judiowãerãba Dachi Akõred̶e ijãad̶amera. Mʉʉba jaradea b̶uud̶eeba, wau b̶uud̶eeba,

Romanos 15:7

Cristoba machi biꞌia irsibid̶a kĩra, chiya biꞌia irsibísturu. Mau unuuduud̶e ẽbẽrarãba Dachi Akõremaa biꞌia berread̶ai.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Colosenses 4:10

Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.

2 Juan 1:10

Ẽbẽra machimaa wãaruud̶e Cristoba jaradead̶a kĩra jaradeawẽebʉrã, mau machi ded̶e biꞌia irsibirã́sturu maud̶e «biꞌia b̶uu bichi neesii» arã́sturu.