Hechos 15:25 - Emberá Chamí

²⁵ Maud̶eeba daiba bed̶ea arab̶aud̶e deasid̶au chi daid̶ebenarã machimaa bʉid̶ai baita. Maarã wãd̶ai chi dachiba kʉ̃ria panuu ãba Bernabé maud̶e Pablo baara.

Hechos 15:25 Mawu Ofanana

Mateo 11:26

Maerã, Chacha, bichiba maka wausii maka waui kʉ̃ria b̶uasiid̶eeba.

Lucas 1:3

Mʉʉba biꞌia ichiasii chi b̶ʉped̶aad̶a maud̶e chi nebʉrʉped̶aad̶a biꞌia kuitaasii. Maabae mau kʉ̃risiaped̶a, mʉʉba nau b̶ʉmaa b̶uu, bichi baita chi mechiu nii Teófilo.

Hechos 1:14

Joma maarã Jesús ãbarã baara, ichi nawe María maud̶e waabena wẽrarã baara ãbua duanabachid̶au Dachi Akõremaa ʉtaa id̶id̶ai baita.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 15:35

Pablo maud̶e Bernabé Antioquiad̶e paneesid̶au. Maarã maud̶e ãbarã ãrea baarauba chi ijãabadaurã jaradea panasid̶au maud̶e Dachi Mechiu bed̶ea jarabachid̶au.

Hechos 15:6

Maka chi Jesusba bʉid̶arã chi ijãabadaurã nubadaurã baara araa ãbua imisid̶au mau ʉ̃rʉbena berread̶ai baita.

Hechos 2:1

Mau maad̶akare Pentecostés bari panabadau ewari basii. Maud̶e joma chi Jesusd̶e ijãa nuree araa ãbua duanasid̶au.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Romanos 16:12

Neekau Trifenamaa maud̶e Trifosamaa jarásturu mʉʉba kʉ̃ria b̶uu maarã biꞌia panad̶ai. Ãchiba Dachi Mechiu baita biꞌia wau panuu. Maud̶e neekau Persidamaa ara mau jarásturu. Mauba Dachi Mechiu baita biꞌia wau b̶uu.

1 Corintios 1:10

Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Efesios 6:21

Dachiba kʉ̃ria panuu ãba Tiquicoba mʉ ʉ̃rʉbena machimaa joma nebʉrʉi kuitaad̶amera mʉ saka b̶uu maud̶e kãare wau b̶uu. Ichi Dachi Mechiu baita ichi kʉ̃ria trajabarii jipa nii, maud̶e ne jomad̶e biꞌia waubarii.

Colosenses 4:7

Mʉʉba dachi ãba Tíquico machimaa bʉiruu mʉ ʉ̃rʉbena jaramera. Daiba mau biꞌia kʉ̃ria panuu. Mauba mʉ ome ãbua Dachi Mechiu traju ne jomad̶e biꞌia wau b̶uu. Mauba dai ʉ̃rʉbena machimaa joma kuitaabiai, maud̶e kĩrajʉʉbiai.

Colosenses 4:9

Tíquico baara ãba Onésimo bʉiruu. Ichiba ne jomad̶e jipa wau b̶uu maud̶e daiba mau kʉ̃ria panuu. Tiquicoba maud̶e Onesimoba machimaa nebʉrʉd̶ai joma nama saka nub̶uu.

Filemón 1:16

Maamina mau bichi baita bari trajabarii kĩra uru b̶uabai b̶uu, maumaarã mau kãyabãra aude biꞌia uru b̶uai b̶uu. Cristod̶eeba bichi ãba baerã kʉ̃riad̶eeba uru b̶uai b̶uu. Mʉʉba mau ãrea kʉ̃ria b̶uu, maamina mau kãyabãra bichiba mau biꞌia kʉ̃riai b̶uu, bichi baita bari trajabariid̶eeba maud̶e Dachi Mechiud̶eeba bichi ãbad̶eeba.

2 Pedro 3:15

Kĩrabásturu Dachi Mechiuba ẽbẽrarã karibai baita joma jãadua b̶uu. Ara mau kĩra dachiba kʉ̃ria panuu ãba Pablo bid̶a kartad̶e machi baita b̶ʉsii, Dachi Akõreba ichimaa dead̶a kʉ̃risia kuitaad̶eeba.