7 Aria chi bed̶ea bia Jesús ʉ̃rʉbena jarabachid̶au.
Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.
—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.
Derbe puurud̶e Pablo maud̶e Bernabeba chi bed̶ea bia Jesús ʉ̃rʉbena jarasid̶aud̶e ãreaba ijãasid̶au. Mau maad̶akare Listra puurud̶aa, Iconio puurud̶aa maud̶e Antioquiad̶aa waya wãsid̶au.
Pabloba mau unusiid̶eeba daiba kuitaasid̶au Dachi Akõreba dai iukua b̶uasii chi bed̶ea bia Jesús ʉ̃rʉbena Macedoniad̶ebenarãmaa jarad̶amera. Ara makʉd̶e wãd̶ai baita paneesid̶au.
Pabloba waubarii kĩra chi judiorã araa ãbua imibadau deemaa wãsii. Misad̶e õbea bari panabadau ewaricha ãchi ome bed̶ea b̶uabachii.
Maamina Jerusalend̶ebena miru wãped̶aad̶aba ãchi wãaduucha chi bed̶ea bia Jesús ʉ̃rʉbena jarabachid̶au.
Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.
Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.
