Hechos 11:6 - Emberá Chamí

⁶ Mʉʉba biꞌia ichiasii kãare ed̶a b̶uu kuitaai baita. Didiwaraa ãnimararã panasid̶au, jʉ̃rʉ kimare nuree, jeed̶a ursu nuree maud̶e ibanarã.

Hechos 11:6 Mawu Ofanana

Marcos 8:25

Jesusba waya ichi jua chi ẽbẽra dau ʉ̃rʉ kub̶usii. Maud̶e ichi dau aribiasiid̶eeba joma ʉ̃d̶aa unu kob̶eesii.

Lucas 4:20

Ed̶a jaraped̶a maabae chi karta bʉraped̶a chi nubariimaa deasii. Maabae akʉ b̶eesii jaradeai baita. Jomaurãba ichi ichia duanasid̶au.

Hechos 10:12

Mau ẽeborod̶e ed̶a didiwaraa ãnimara panasid̶au, jʉ̃rʉ kimare nuree, jeed̶a ursu nuree maud̶e ibanarã. (Chi nuree ãnimara judiorãba kod̶akau duanasid̶au).

Hechos 11:5

—Jope puurud̶e b̶uasiid̶e mʉʉba Dachi Akõremaa ʉtaa id̶i b̶uasii. Maud̶e ẽeboro waib̶ʉa kĩra b̶uu Dachi Akõreba mʉ daumaa unubisii. Mau miducha jʉ̃karaba jʉ̃ b̶uu bajãad̶ebena ed̶aa mʉʉmaa neesii.

Hechos 11:7

Maka b̶uud̶e mimi ũrisii. Mau mimiba mʉʉmaa jarasii: “Pedro, jiraduse. Beaped̶a kose”.

Hechos 3:4

Pedroba maud̶e Juanba maumaa ichiasid̶au. Maud̶e Pedroba jarasii: —Daimaa ichiáse.