Hechos 10:28 - Emberá Chamí

²⁸ Maabae Pedroba jarasii: —Machiba kuitaa panuu dai judiorã judiowãerã baara nibad̶akau panuu maud̶e judiowãerã ded̶e ed̶a wãd̶akau panuu. Maamina Dachi Akõreba mʉʉmaa kuitaabisii ab̶au ʉ̃rʉbena mʉʉba mau Dachi Akõre daad̶e biꞌiwãe b̶uu a jaraabai, maebʉrã mau miadaa b̶uu a jaraabai.

Hechos 10:28 Mawu Ofanana

Marcos 7:2

Mau ẽbẽrarãba unusid̶au waabenarã Jesús baara nibabadaurã chi nuree ãchi jua jeraad̶awẽa komaa panuu. Nabẽraed̶e jua jeraabachid̶au kĩra waud̶awẽa panuud̶eeba ãchiba kachirua wau panuu a jarasid̶au.

Lucas 18:11

Fariseo akʉ nub̶eeped̶a ara ichi ʉ̃rʉbena naka ʉtaa id̶isii: “Dachi Akõre, mʉʉba bichimaa bichíturu kid̶ibai a jaraaruu mʉ waabenarã kĩra niiwãed̶eeba. Ãchi nechiruabadau, kachirua waubadau, wẽra junebena ome kãi duaneebadau. Maud̶e mʉ Romad̶ebena baita chi nejarra pebarii kĩra niiwãe.

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.

Juan 4:27

Maka b̶uud̶e chi Jesús baara nibabadaurã puurud̶ebena waya neesid̶aud̶e Jesús wẽra nii ome berrea b̶uu unusid̶aud̶e kauwa kʉ̃risiad̶aabasii. Maamina ab̶au bid̶a Jesusmaa id̶id̶aabasii «¿Kãare kʉ̃ria b̶uasii?» maebʉrã «¿Kãare jãu wẽra ome berrea b̶uasii?»

Juan 4:9

Maabae chi wẽraba Jesusmaa jarasii: —Mʉ Samariad̶ebena wẽrabʉ. ¿Sakãe bichi judio niiba mʉʉmaa bania id̶i b̶uma? Mau wẽraba maka jarasii judiorãba Samariad̶ebenarã kʉ̃riad̶akaud̶eeba.

Hechos 10:29

Maud̶eeba mʉ iud̶e bʉisid̶aud̶e wãabai awẽa urusii. Jãabae mʉʉba kuitaa kʉ̃ria b̶uu sakãe mʉ adaud̶e bʉisid̶ama.

Hechos 11:9

Maud̶e bajãad̶ebena chi mimiba mʉʉmaa waya jarasii: “Chi Dachi Akõreba biꞌia b̶ud̶a mau miadaa b̶uu arã́se”.