Hechos 10:15 - Emberá Chamí

¹⁵ Chi mimiba waya jarasii: —Chi Dachi Akõreba biꞌia b̶ud̶a mau miadaa b̶uu a jararã́se.

Hechos 10:15 Mawu Ofanana

Mateo 15:11

Dachiba kobadauba Dachi Akõre daad̶e miadaa b̶ukau. Maumaarã dachi okarrd̶ebena cheeruuba dachi miadaa waubibarii.

Marcos 7:19

dachi sõd̶e ed̶a wãwẽa b̶uud̶eeba. Joma chi ẽbẽra okarrd̶e wãaruu, b̶id̶e wãbarii maabae awara wãbarii. Maka jara b̶uud̶eeba Jesusba kuitaabiasii ne joma kod̶ai biꞌia b̶uu.

Hechos 10:16

Maka berrearuu Pedroba b̶es õbea ũrisii. Maabae chi ẽeboro waya bajãad̶aa wãsii.

Hechos 10:28

Maabae Pedroba jarasii: —Machiba kuitaa panuu dai judiorã judiowãerã baara nibad̶akau panuu maud̶e judiowãerã ded̶e ed̶a wãd̶akau panuu. Maamina Dachi Akõreba mʉʉmaa kuitaabisii ab̶au ʉ̃rʉbena mʉʉba mau Dachi Akõre daad̶e biꞌiwãe b̶uu a jaraabai, maebʉrã mau miadaa b̶uu a jaraabai.

Hechos 11:9

Maud̶e bajãad̶ebena chi mimiba mʉʉmaa waya jarasii: “Chi Dachi Akõreba biꞌia b̶ud̶a mau miadaa b̶uu arã́se”.

Hechos 15:20

Maumaarã kartad̶e b̶ʉd̶ai panuu Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Hechos 15:29

Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu. Joma mau wauduubʉrã biꞌia panad̶ai. Biꞌia panásturu.

Hechos 15:9

Dachi Akõreba dachi ãchi ome kĩra aꞌawaraa waubasii. Ãchiba ijãasid̶aud̶e ãchi sõ jeraasii.

Romanos 14:14

Mʉ Dachi Mechiu Jesucristo ome b̶uud̶eeba biawãra kuitaa b̶uu ab̶a bid̶a chiko kachirua b̶uuwãe. Maamina ab̶auba barikia chiko koi kachirua kʉ̃risiaruubʉrã, ichiba mau koobai b̶uu.

Romanos 14:20

Machiba chiko ko panuud̶eeba Dachi Akõreba ab̶au sõd̶e waud̶a ida b̶urã́sturu. Biawãra Dachi Akõre daad̶e chiko joma biꞌia b̶uu. Maamina chi chiko kakua ab̶au kachiruad̶e b̶aebid̶ai biꞌia b̶uuwãe.

1 Corintios 10:25

Kiuru nedobʉibadaumare nedobʉid̶a joma kod̶ai panuu. Maamina id̶irã́sturu mau kiuru chi Dachi Akõre kuenda juaba ne kaped̶aad̶amaa deaped̶aad̶a bad̶a kuitaad̶ai baita, mau biꞌiwãe b̶uu a kʉ̃risia panuud̶eeba.

Tito 1:15

Dachi Akõre daad̶e chi bia nuree baita ne joma Dachi Akõre daad̶e bia b̶uu. Maamina Dachi Akõred̶e ijãad̶akaurã baita ne ab̶a bid̶a biꞌiwãe b̶uu. Ãchiba kachirua kʉ̃risiabadau maud̶e ãchi sõd̶e nebʉra barauwãe nuree abadau.

Apocalipsis 14:20

Chi uva Jerusalén puuru awara biraduasid̶au. Biraduasid̶aud̶e mamabena oa ãrea chesii. Mau oa chi id̶ubena ʉtʉ mura okarrd̶e jʉ̃badaumaa ba b̶uasii.