Hebreos 9:7 - Emberá Chamí

⁷ Maamina chi mawãare b̶uu piezad̶e ab̶a chi paare mechíuturu añocha b̶es ab̶a ed̶a wãbachii. Ed̶a wãaruud̶e ichiba kachirua waud̶a kakua maud̶e ẽbẽrarãba adua panuud̶eeba kachirua wauped̶aad̶a kakua bid̶a ãnimara oa Dachi Akõre daad̶e jĩtod̶okai baita adoebachii.

Hebreos 9:7 Mawu Ofanana

Efesios 4:18

Ãchi kʉ̃risia pãriud̶e duanuud̶eeba Dachi Akõre ʉ̃rʉbena kuitaad̶akau. Ãchi sõ chaareaba Dachi Akõre adua nureed̶eeba, chi ichiba chokae duanubiai b̶uu wãꞌãe nuree.

Hebreos 10:3

Maamina añocha ãnimara baa deaduud̶e, mauba kĩrababiabarii ãchiba kachirua waubadau,

Hebreos 6:19

Mauba dachi aid̶a b̶uu ãrea ijãa panad̶amera anclaba jãba jãaduabarii kĩra. Dachiba adaud̶ai panuu biawãra kuitaa panuu Jesús bajãad̶aa dachi naa wãsiid̶eeba. Ichi Dachi Akõre de ed̶are paru eab̶ari jira b̶uare wãyaa wãsii dachi karibai baita. Aria ichi dachi Paare mechiu b̶eesii Melquisedec nibad̶a kĩra. Ewaricha maka nii.

Hebreos 7:27

Ichiba waukau waabenarã paare mechiurãba ewaricha waubadau kĩra. Maarãba ara ãchiba kachirua wauped̶aad̶a kakua naa Dachi Akõremaa ãnimara baa deabachid̶au. Maad̶akare waabena ãnimara baa deabachid̶au waabenarã ẽbẽrarãba kachirua wauped̶aad̶a kakua. Maamina Jesusba ãnimara baa dearuu kĩra ara ichi ida beabisii ẽbẽrarãba kachirua waubadau kakua. B̶es ab̶a maka waud̶aba kachirua joma jeraasii.

Hebreos 9:3

Chi mawãare b̶uu pieza paru eab̶ari jirab̶u ad̶u b̶uasii. Mau pieza «Dachi Akõre baita biꞌia b̶uu pieza» abachid̶au.