Hebreos 9:23 - Emberá Chamí

²³ Dachi Akõre de ãnimara e wauped̶aad̶a maud̶e mau ded̶e kob̶ee, Dachi Akõre de bajãad̶e kub̶uu kĩra b̶uasii. Joma mau ãnimara oaba jĩtod̶okai b̶uasii Dachi Akõre daad̶e biꞌia nureamera. Maamina Dachi Akõre de bajãad̶e kub̶uu, maud̶e mau ded̶e ed̶a b̶ee, oa ãnimara oa aude bia b̶uuba jĩtod̶okai b̶uasii.

Hebreos 9:23 Mawu Ofanana

Lucas 24:26

¿Dachi Akõreba Dachi Karibabarii deai jarad̶a chi Mechiu b̶eei naed̶e biꞌiwãe b̶uai baska?

Lucas 24:46

Naka jarasii: —Dachi Akõre kartad̶e naka b̶ʉ kub̶uu: Dachi Akõreba Dachi Karibabarii deai jarad̶a biꞌiwãe b̶uai b̶uu. Biuped̶a ewari õbead̶e chokae jiradui.

Juan 14:3

Mʉ mau biꞌia waud̶e wãaruubʉrã, waya neei machi uad̶oi baita mʉ ome nuread̶amera.

Hechos 23:15

Maud̶eeba naka wáusturu. Machiba chi kokoroa chi aude mechiumaa id̶ísturu nu Pablo waya machimaa adoebimera. Jarásturu machiba ichi ʉ̃rʉbena kauwa id̶i kʉ̃ria panuu. Adoeduud̶e nama neei naed̶e daiba ichi bead̶ai.

Colosenses 2:17

Dachi Akõreba joma mau waui b̶uad̶a tõroroa unubi b̶uasii. Maamina ichiba waui jarad̶a Cristod̶eeba joma wausii.

Hebreos 10:1

Moisesba b̶ʉd̶aba joma ne bia Cristod̶eeba neei ʉ̃rʉbena biꞌia dod̶aa unubiwẽa b̶uu. Mau ne bia Moisesba b̶ʉd̶aba deakau. Maud̶eeba Moisesba b̶ʉd̶aba chi Dachi Akõremaa ãnimara baa dead̶e wãbadaurã poyaa jipa nibabiakau.

Hebreos 10:4

paka mukĩra oaba maud̶e chivo oaba kachirua poyaa awara b̶ukaud̶eeba.

Hebreos 8:5

Paarerãba wau panuud̶eeba unubibadau bajãad̶e saka b̶uu. Maud̶eeba Moisesba chi ãnimara e de waui naed̶e Dachi Akõreba ichimaa naka jarasii: «Joma arakʉd̶e kauwa wause mʉʉba ead̶e unubid̶a kĩra».

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

Hebreos 9:24

Cristo Dachi Akõre de ẽbẽrarãba wauped̶aad̶ad̶e ed̶a wãabasii, mau ab̶aburu Dachi Akõre de chi biawãra b̶uu bajãad̶e kub̶uu kĩra b̶uasiid̶eeba. Cristo bajãad̶e Dachi Akõre daad̶e wãsii, ichi oa chesiid̶eeba dachi baita ichimaa chi chuburia id̶ii baita.

Apocalipsis 5:9

Chi 24 chõrarã maud̶e chi kimare chokae nureerãba nau kari wid̶i karisid̶au: «Bichíturu biꞌia nii, mau karta adauped̶a, chi wãa kob̶ee oekuai baita, bichi beasid̶aud̶eeba. Bichi oa chesiiba ẽbẽrarã nedokuasii Dachi Akõre baita. Ẽbẽrarã didiwaraacha jomad̶ebena, bed̶ea didiwaraacha jomad̶ebena, puurucha maud̶e drua jomad̶ebena chi nuree nedosii.