Hebreos 7:18 - Emberá Chamí

¹⁸ Chi naa b̶ʉd̶a Dachi Akõreba wãꞌãebisii ab̶a bid̶a aid̶akaud̶eeba,

Hebreos 7:18 Mawu Ofanana

Hechos 13:39

Moisesba b̶ʉd̶ad̶e b̶ʉ kub̶uu Dachi Akõreba chi dachiba kʉ̃riaduu kachirua waubadau kĩrabaabai. Maamina joma Jesusd̶e ijãaduu ichiba jipa panuu abarii. Mau machimaa jara panuu.

Romanos 3:31

Jesusd̶e ijãa panuud̶eeba ¿Moisesba b̶ʉd̶a ida b̶u panuka? Makawãema, maumaarã mau Moisesba b̶ʉd̶a biꞌia b̶uu unubadau.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

Gálatas 3:15

Ãbarã, dachi ẽbẽrarãba ne waubadau kĩra berrearuu: ẽbẽraba waabena ome bed̶ea dead̶a kartad̶e b̶uped̶a ichi trʉ̃ mau kartad̶e b̶ʉʉruubʉrã ab̶au bid̶a mau bed̶ea b̶ʉd̶a poyaa ãyaa b̶ud̶aabai, maud̶e kʉ̃risia awara poyaa ed̶a b̶ʉd̶aabai.

Gálatas 3:17

Mʉʉba naka jara b̶uu: Dachi Akõreba Abraham ome bed̶ea deasii. 430 año basiid̶e Moisesmaa ichiba jarad̶a b̶ʉbisii. Maamina ichiba Abraham ome naed̶e bed̶ea dead̶a mau Moisesba b̶ʉd̶a ãyaa b̶uubasii. Ãyaa b̶ud̶a basirã ichiba karibai ad̶a waubai basii.

Gálatas 3:21

Maka b̶uubʉrã Dachi Akõreba Moisesmaa ichi bed̶ea b̶ʉbisiid̶e ¿ichiba Abraham ome bed̶ea dead̶a ida b̶uska? ¡Makawãema! Moisesba b̶ʉd̶aba dachi poyaa chokae panad̶ai basirã, mau b̶ʉd̶a wau panuud̶eeburu Dachi Akõreba dachi chi jipa nuree baara duanui basii.

Gálatas 4:21

Chi Moisesba b̶ʉd̶a juad̶e panad̶ai kʉ̃ria panuuba mʉʉmaa panáusturu: ¿Moisesba b̶ʉd̶ad̶e b̶ʉ kub̶uu adua panuka?

Gálatas 4:9

Maamina jãabae machiba Dachi Akõre unubadau. Mʉʉba arakʉd̶e jaraaruubʉrã, Dachi Akõreba machi unubarii. Maka ¿sakãe nau iujãad̶ebena jauri mechiurã waya ijãad̶ai kʉ̃ria panuma, chibari baita bari trajabadaurã kĩra? Mauba machi aid̶akau.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.