Hebreos 5:13 - Emberá Chamí

¹³ Chi ju b̶aa do nuree wabid̶a chuburi nureed̶eeba saka jipa waui adua nuree.

Hebreos 5:13 Mawu Ofanana

Mateo 11:25

Mau ewarid̶e Jesusba jarasii: «Chacha, bichi bajãad̶ebena Mechiu maud̶e nau iujãad̶ebena Mechiu. Bichiba chi ne adua nureerãmaa mʉʉba jaradead̶a kuitaabiasiid̶eeba mʉʉba bichi bia jarai. Ne kuitaa nureerãmaa bichiba kuitaabiabasii.

Marcos 10:15

Mʉʉba biawãra jaraaruu: warr ichi akõre ome nibabarii kĩra ab̶a bid̶a Dachi Akõre ome niiwãebʉrã, mau ẽbẽra Dachi Akõre juad̶e b̶uabai ichid̶irã baara.

Romanos 2:20

Moisesba b̶ʉd̶a uru panuud̶eeba kʉ̃risia panuu joma kʉ̃risia kuitaa uru panuu maud̶e biawãra bed̶ea sid̶a kuitaa panuu. Maud̶eeba kʉ̃risia panuu chi kʉ̃risiaswãe nureerãmaa maud̶e chi wabid̶a ãrea adua nureerãmaa bid̶a poyaa jaradea panad̶ai.

1 Corintios 13:11

Mʉ wabid̶a kaebe nibasiid̶e warr cheke kĩra berreabachii maud̶e warr cheke kĩra kʉ̃risiabachii. Maamina sĩbãra basiid̶e warr cheke kĩra b̶uad̶a ida b̶usii.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

1 Corintios 3:1

Ãbarã, mʉ machimaa wãsiid̶e, chi Dachi Akõre Jaurid̶eeba nibabadaurãmaa jaradea b̶uu kĩra poyaa makaabasii. Maumaarã chi nau kakuaba wau kʉ̃ria b̶uu kĩra waubadaurãmaa maud̶e chi ea Cristod̶e ijãaped̶aad̶arãmaa jaradea b̶uu kĩra jaradeasii.

2 Corintios 3:9

Biawãra mau Moisesba b̶ʉd̶aba ẽbẽrarã biud̶ai panuu jara b̶umina ãrea biꞌia b̶uu. Maamina Dachi Akõreba bed̶ea chiwid̶i dead̶a aude bibuara b̶uu. Mauba kuitaabi b̶uu saka Dachi Akõreba dachi nebʉraswãe nuree abarii.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

2 Timoteo 3:16

Dachi Akõreba joma Ichi Bed̶ea b̶ʉbisii. Joma mau biꞌia b̶uu jaradeai baita, kachirua wau nuree kastikai baita, biꞌiwãe wau nuree jipa wau kuitaabiai baita maud̶e saka kĩra jipa nibad̶ai kuitaabiai baita.

1 Pedro 2:2

Dachi Mechiuba sõbiad̶eeba machi karibabarii kuitaasid̶au. Maud̶eeba warr ea adaud̶aba ju do kʉ̃ria b̶uabarii kĩra Dachi Akõre bed̶ea biꞌia kuitaa kʉ̃riásturu. Ichi bed̶ea chi biawãra ju b̶aara kĩra nii. Ichi bed̶ea kuitaaduubʉrã, warid̶ai ab̶a ichiba machi karibaaruud̶aa.

2 Juan 1:11

Chi «biꞌia b̶uu bichi neesii» a b̶uuba mau kachirua ichi ome ãbua wau b̶uu.