Hebreos 5:11 - Emberá Chamí

¹¹ Mau ʉ̃rʉbena daiba ãrea jaradea kʉ̃ria panuu. Maamina chaarea b̶uu arakʉd̶e jaradead̶ai, machiba kauwa ũrid̶akaud̶eeba.

Hebreos 5:11 Mawu Ofanana

Mateo 13:15

Ãchi sõ chaarea nureed̶eeba ũrid̶ai kʉ̃riad̶akau maud̶e unud̶ai kʉ̃riad̶akau. Maka panad̶awãe basirã, unud̶ai basii, ũrid̶ai basii maud̶e sõd̶eeba ijãad̶ai basii. Maabae mʉʉmaa neeped̶aad̶a basirã mʉʉba ãchi aribiabiai basii.

Marcos 8:21

Maabae Jesusba ãchimaa id̶isii: —¿Sakaburu machiba wabid̶a kauwa ũrid̶awẽma?

Lucas 24:25

Maud̶eeba Jesusba ãchimaa jarasii: ¡Joma Dachi Akõre baita berreabadaurãba jaraped̶aad̶a machiba ijãad̶ai ida b̶u panuu! ¡Machi kʉ̃risiaswãe panuu!

Juan 16:12

»Mʉʉba wabid̶a ne ãrea machimaa jara kʉ̃ria b̶uu. Mau machiba anakʉd̶e joma poyaa kauwa ũrid̶aabai.

Juan 6:6

Jesusba kãare waui b̶uu kuitaa b̶uasii. Maud̶eeba maka jarasii Felipeba saka panaui kuitaayua.

Hechos 28:27

Ãchiba sõd̶eeba poyaa kuitaad̶awẽe maud̶e kʉʉrʉ kiape nureed̶eeba ũrid̶awẽe maud̶e dauba biꞌia unud̶awẽe. Maka duanuuwãe basirã, unud̶ai basii, ũrid̶ai basii maud̶e sõd̶eeba kuitaad̶ai basii. Maabae mʉʉd̶e ijãad̶aped̶a mʉʉba ãchi aribiabiai basii”.

Hebreos 5:10

Maud̶e Dachi Akõreba ichi Paare Mechiu b̶usii Melquisedec b̶uad̶a kĩra.

Hebreos 5:12

Machiba Jesusd̶e ijãaped̶aad̶a ãrea baaruu. Maud̶eeba id̶i machi Dachi Akõre bed̶ea jaradeabadau nuread̶ai panasid̶au. Maamina Dachi Akõre bed̶ea biꞌia adua panuud̶eeba poyaa biꞌia jaradead̶akau. Ab̶auba machimaa chi Dachi Akõre bed̶ea ʉ̃rʉbena naa jaradead̶a waya jaradeai b̶uu, ju dobiiruu kĩra. Machi warrarã kĩra nureed̶eeba, kiuru kod̶ai bad̶amaarã ju b̶aa dod̶ai panuu.

2 Pedro 3:16

Mauba kartacha mau ʉ̃rʉbena b̶ʉsii. Mau kartad̶ebena kʉ̃risia ichiba b̶ʉd̶a chaarea b̶uu kuitaad̶ai baita. Chi biawãra bed̶ea adua nureerãba maud̶e chi ãrea ijãad̶akaurãba mauba b̶ʉd̶a biꞌiwãe jaradeabadau, chi Dachi Akõre bed̶ea b̶ʉped̶aad̶a biꞌiwãe jaradeabadau kĩra. Maud̶eeba Dachi Akõreba ãchi nebʉra ichiai.