Hebreos 12:28 - Emberá Chamí

²⁸ Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

Hebreos 12:28 Mawu Ofanana

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Lucas 1:33

Ichi Jacobd̶ebena imiped̶aad̶arã chi mechiu b̶uai. Ewaricha ichid̶irã ichi juad̶e ua b̶uai.

Romanos 11:20

Biawãra maka b̶uu. Maamina Dachi Akõreba ãchi ida b̶usii Cristod̶e ijãad̶aabasiid̶eeba. Maabae machi jʉrʉ adausii Cristod̶e ijãasid̶aud̶eeba. Maud̶eeba machi judiorã audeara biꞌia nuree kʉ̃risiarã́sturu, maumaarã Dachi Akõre wapeadee panásturu.

Efesios 1:6

Ichi sõbia ãrea b̶uud̶eeba dachi karibasii ichiba kʉ̃ria b̶uu Warrd̶eeba. Mau baita ichimaa biꞌia berread̶ai panuu.

Efesios 5:10

Dachi Mechiuba biꞌia unu b̶uu kuitaad̶ai baita jʉrʉ́sturu.

Filipenses 4:18

Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

Hebreos 10:19

Maud̶eeba ãbarã, Dachi Akõre baita biꞌia b̶uu piezad̶e ed̶a wãaduu kĩra Jesucristo oad̶eeba Dachi Akõre kaita wapeawẽa wãd̶ai panuu.

Hebreos 13:15

Maud̶eeba Jesucristod̶eeba dachiba, chi Dachi Akõred̶e ijãa panuu a panuuba, ewaricha ichimaa biꞌia berread̶ai panuu, ãnimara baa deaduu kĩra.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 4:16

Maud̶eeba Dachi Akõremaa wapead̶awẽa id̶id̶ai panuu ichi rey ãkau kub̶uumaa ara kaita wãaduu kĩra. Maka ichiba dachi kĩra chuburiai maud̶e ichiba karibamera ʉtaa id̶iiduud̶e ichi sõbiad̶eeba karibai.

Hebreos 5:7

Cristo nau kakuad̶e b̶uasiid̶e jẽa b̶uuba Dachi Akõremaa jĩwa chi chuburia id̶isii, Dachi Akõreba ichi biuid̶ebena poyaa karibai b̶uasiid̶eeba. Maud̶e Dachi Akõreba kʉ̃ria b̶uu kĩra waui asiid̶eeba, Dachi Akõreba ichiba ʉtaa id̶id̶a biꞌia ũrisii.

1 Pedro 1:17

Machiba Dachi Akõremaa berreaduud̶e machi Chacha abadaubʉrã, kuitásturu Ichiba ẽbẽra waabenarã audeara kʉ̃riakaud̶eeba joma ichiai dachiba wauped̶aad̶a. Maud̶eeba wabid̶a nau iujãad̶e ãibenarã kĩra panuumisa ewaricha ichi wapea panuud̶eeba jipa nibásturu.

1 Pedro 2:20

Machiba kachirua wau panuu kakua chi chibariba kastikaaruubʉrã, machiba jãaduadumina ¿kaiba machi ʉ̃rʉbena biꞌia berreaima? Maamina biꞌia wau panuu kakua nebʉrad̶e panuud̶e jãaduaduubʉrã, Dachi Akõreba biꞌia unui.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

Apocalipsis 1:6

Dachi b̶usii Dachi Akõreba ichi juad̶e paare nuread̶amera. Maka ichi Bajãad̶ebena Akõreba kʉ̃ria b̶uu wau panad̶ai. Maumaa biꞌia berread̶ai panuu. Biꞌia b̶uu mau ewaricha jomaurã Mechiu b̶uai. Biawãra biꞌia b̶uu maka b̶uai.

Apocalipsis 15:4

Dai Mechiu, ¿kaiba bichi wapeabai b̶uma? ¿Kaiba bichi chi Mechiu nii aabaima? Bichi Dachi Akõre báitaburu niibʉ. Joma druachad̶ebena imiped̶aad̶aba bichimaa biꞌia berread̶ai, bichiba chi jipa wau b̶uu jomaurãmaa unubiasiid̶eeba».

Apocalipsis 5:10

Bichiba maarã duanusii Dachi Akõred̶e paarerã bad̶amera. Maud̶e nau iujãad̶e ichi baara chi karrarã bad̶ai».