Hebreos 11:37 - Emberá Chamí

³⁷ Chi nuree mooba b̶ata beasid̶au. Maud̶e waabenarã ẽsa b̶ʉa ʉrratasid̶au. Chi nuree espadaba beasid̶au. Chi nuree de wãꞌãe nureed̶eeba samaa wãd̶ai adua wãsid̶au. Maud̶e ãchiba paru jʉ̃d̶ai baita wãꞌãe basiid̶eeba chivo e maud̶e oeja e waud̶a jʉ̃bachid̶au. Ãchi ne kaebea wãꞌãe nureasii. Ẽbẽrarãba ãchi ãrea biꞌiwãe panabiabachid̶au maud̶e kachirua waubachid̶au.

Hebreos 11:37 Mawu Ofanana

Mateo 21:35

Maamina chi uu nub̶uu nubadaurãba mau trajabadaurã jidausid̶au. Ab̶a sĩsid̶au, ab̶a beasid̶au maud̶e ab̶a mokaraba b̶ata duabʉisid̶au.

Mateo 3:4

Juanba paru camello kara waud̶a jʉ̃bachii. Kʉrrd̶e ãnimara e waud̶a jʉ̃bachii. Sisi kobachii maud̶e moded̶ebena nidurr kũab̶ari b̶aa dobachii.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Lucas 13:34

»¡Jerusalén, Jerusalén, machiba Dachi Akõre baita berreabadaurã beabadau! ¡Dachi Akõreba bʉid̶arã sid̶a mooba b̶ata beabadau! Mʉʉba b̶es ãrea machi ãbua jʉrʉ adau kʉ̃ria b̶uasii eterr wẽraba ichi warrarã ikia ekare adaubarii kĩra. Maamina machiba kʉ̃riad̶aabasii.

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

Hebreos 11:25

Ichimaarã kachirua wau b̶uud̶eeba kĩrajʉʉ b̶uadaui bad̶amaarã, biꞌia b̶uasii ẽbẽrarã Dachi Akõred̶erã ome ãbua ãrea biꞌiwãe b̶uai.

Hebreos 13:3

Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.

Apocalipsis 11:3

Mau ewarid̶e mʉʉba ẽbẽra ome bʉi mʉ ʉ̃rʉbena dod̶aa berread̶amera. Maarã paru parrba jʉ̃d̶aped̶a 1.260 ewari Dachi Akõre baita berread̶ai».