Hebreos 11:28 - Emberá Chamí

²⁸ Moisesba Dachi Akõred̶e ijãa b̶uasiid̶eeba israeld̶ebenarãmaa Pascua ewari waubiasii. Maud̶e decha poraad̶e oa jĩtod̶okabiasii chi beabariiba chi nabena mukĩra warrarã kenarãamera.

Hebreos 11:28 Mawu Ofanana

1 Corintios 10:10

Kĩrajʉʉwẽa panuud̶eeba Dachi Akõre ʉ̃rʉbena kachirua berrearã́sturu waabenarã chi nureeba wauped̶aad̶a kĩra. Maud̶eeba chi ángel dachi kinibibariiba ãchi ãrea kinibiasii.

Hebreos 12:24

Machi Jesusmaa neesid̶au. Ichid̶eeba ẽbẽrarã Dachi Akõred̶erã ome bed̶ea chiwid̶i deasiid̶e machi ichi oa jĩtod̶okad̶amaa neesid̶au. Jesús oa ched̶aba Abel oa ched̶a audeara kuitaabia b̶uu.

Hebreos 9:19

Mau naka b̶uasii: Moisesba ichiba b̶ʉd̶a ẽbẽrarãmaa joma jaraped̶a maabae paka warr oa maud̶e chivo oa bania baara perasii. Hisopo bakuru juad̶e oeja kara puria waud̶a bʉraped̶a oad̶e sunasii. Mau oaba ichiba mau karta ʉ̃rʉ maud̶e ẽbẽrarã ʉ̃rʉ jĩtod̶okasii.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.