Hebreos 10:23 - Emberá Chamí

²³ Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

Hebreos 10:23 Mawu Ofanana

1 Corintios 1:9

Dachi Akõreba ara ichiba jara b̶uu kĩra waubarii. Ichiba machi iusii ichi Warr Dachi Mechiu Jesucristo ome ãbua nuread̶amera.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

2 Corintios 9:13

Machiba maka aid̶a panuuba, maka unubi panuu chi bed̶ea bia Cristo ʉ̃rʉbena biawãra ijãa panuu. Sõbiad̶eeba chi ãbarãmaa dea panuu maud̶e jomaurã aid̶a panuu. Maud̶eeba Dachi Akõremaa biꞌia berread̶ai.

1 Tesalonicenses 5:24

Chi machi Iud̶aba joma maka waui, ichiba bed̶ea deasiid̶eeba.

2 Tesalonicenses 3:3

Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Hebreos 11:11

Abraham chõra b̶uasiid̶e, ichi wẽra Sara warr adauka basmina, Abrahamba ijãasii Dachi Akõreba ichimaa warr unubii b̶uu. Dachi Akõreba jaraaruu maka waubarii ijãasiid̶eeba warr biawãra unusii.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 6:18

Dachi Akõreba setaa jarakaud̶eeba ichiba deai jarad̶a biawãra deai maud̶e ichi trʉ̃d̶eeba jarad̶a ãyaa waubai. Mau bed̶ea ome maka jara b̶uud̶eeba Dachi Akõre dachiba jʉrʉbadau dai karibamera maud̶e kʉ̃riamera. Ichiba jarad̶a biawãra waui kuitaa panuud̶eeba dachiba poyaa perad̶awẽa ijãa panad̶ai. Maud̶e chi Jesusd̶eeba adaud̶ai esed̶au panuu ida b̶ud̶aabai.

Santiago 1:6

Maamina biawãra ijãa b̶uud̶eeba ʉtaa id̶i b̶uu. B̶istĩika bid̶a kʉ̃risiabai b̶uu Dachi Akõreba deabai. Maka kʉ̃risia b̶uu pũaturãba mar ʉ̃rape ãyaa adoebarii kĩra b̶uu.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.