Gálatas 3:12 - Emberá Chamí

¹² Maamina chi Dachi Akõred̶e ijãa b̶uu chi Moisesba b̶ʉd̶a waui b̶uu audeara ãyaa b̶uu. Maumaarã ichi ʉ̃rʉbena naka b̶ʉ kub̶uu: «Chi Moisesba b̶ʉd̶a wau b̶uu, mauba nibai».

Gálatas 3:12 Mawu Ofanana

Mateo 19:17

Jesusba panausii: —¿Sakãe mʉʉmaa ne bia ʉ̃rʉbena id̶i b̶uma? Ab̶aburu Dachi Akõréturu biꞌia nii. Bichi Dachi Akõre ome ewaricha chokae b̶uai kʉ̃ria b̶uubʉrã, ichiba waubi b̶uu bed̶ea wause.

Romanos 11:6

Maka Dachi Akõreba ichi sõbiad̶eeba adausiibʉrã, daiba wau panuu kakua jʉrʉ adaubai basii. Daiba wau panuu kakua jʉrʉ adau b̶uasirã, makarã ichi sõbiad̶eeba jʉrʉ adaubai basii.

Romanos 4:14

Moisesba b̶ʉd̶a uru panuurãba Dachi Akõreba deai jarad̶a adau panasirã, Cristod̶e bari ijãa panad̶ai basii maud̶e Dachi Akõreba deai jarad̶a adaud̶aabai basii.

Romanos 4:16

Dachi Akõreba deai jarad̶a dachiba adaud̶ai ichid̶e ijãa panuud̶eeba. Dachi Akõreba ichi sõbiad̶eeba mau bari dea b̶uu. Maud̶eeba joma Abraham ẽbẽrarã, chi Moisesba b̶ʉd̶ad̶eeba panuurãba mau biawãra adaud̶ai. Maamina ãchiaburu adaud̶aabai, maumaarã judiowãerã bid̶a Abraham kĩra Dachi Akõred̶e ijãaduubʉrã adaud̶ai. Maka Abraham joma dachi, chi Dachi Akõred̶e ijãabadaurã akõrebʉ.

Romanos 7:10

Mau Moisesba b̶ʉd̶a wau b̶uud̶eeba mʉ Dachi Akõre ome chokae b̶uai b̶uasii. Maamina waukaud̶eeba Moisesba b̶ʉd̶aba kuitaabisii mʉ biui b̶uu.