Filipenses 3:8 - Emberá Chamí

⁸ Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

Filipenses 3:8 Mawu Ofanana

Lucas 1:43

¿Mʉ kaima, mʉ Mechiu naweba naka ichiad̶e neesma?

Lucas 11:20

Maamina mʉʉba Dachi Akõre Jaurid̶eeba jai kachiruarã duabʉiruubʉrã, Dachi Akõreba unubiai b̶uu ichi neesii machi Ichi juad̶e ua b̶uai baita.

Juan 14:20

Mʉ neeruud̶e machiba kuitaad̶ai mʉ, mʉ Chacha ome b̶uu, machi mʉ baara panuu maud̶e mʉ machi baara b̶uu.

Juan 14:7

Machiba mʉ biawãra unu panuubʉrã, mʉ Chacha sid̶a unu panuu. Jãabae machiba ichi kuitaa panuu unu panuud̶eeba.

Juan 16:3

Maka waud̶ai mʉ Chacha maud̶e mʉ unud̶akaud̶eeba.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

Juan 17:8

Bichiba mʉʉmaa jarad̶a mʉʉba maarãmaa jaradeasii. Maarãba mau bed̶ea ijãasid̶au. Maud̶eeba kuitaa panuu biawãra mʉ bichid̶ebena neesii. Biawãra ijãa panuu bichiba mʉ bʉisii.

Juan 20:13

Maarãmaa id̶isid̶au: —Wẽra, ¿sakãe jẽa b̶uma? Maabae ichiba panausii: —Mʉ Mechiu Jesús adoesid̶au. Mʉʉba adua b̶uu samaa adoesid̶au.

Juan 20:28

Maud̶e Tomasba jarasii: —¡Mʉ Mechiu! ¡Mʉ Dachi Akõre!

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Romanos 8:18

Mʉʉmaarã, chi nau id̶ibaebena dachi ãrea biꞌiwãe panuu b̶aꞌãra b̶uu, chi kaad̶ebena ewarid̶e Dachi Akõreba dachi biꞌia duanui audeara.

1 Corintios 2:2

Machi tãed̶e b̶uasiid̶e mʉʉba ab̶aburu Jesucristo ʉ̃rʉbena maud̶e ichi cruzd̶e beaped̶aad̶a kuitaabiai kʉ̃ria b̶uasii.

1 Corintios 9:10

¿Dachi ʉ̃rʉbena sid̶a kʉ̃risia b̶uasiiwãeka? Biawãra dachi baita Dachi Akõreba mau Moisesba b̶ʉd̶a deasii. Chi netaa uubarii maud̶e chi chaud̶a pebarii trajabadau, maud̶ebena ne uru panad̶ai kuitaa panuud̶eeba.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Gálatas 1:16

ichi Warr mʉʉmaa kuitaabisii judiowãerãmaa mau ʉ̃rʉbena jaramera. Maud̶e mʉʉba ab̶aumaa bid̶a id̶iibasii saka waui b̶uu kuitaai baita.

Efesios 4:13

ab̶a jomaurã Dachi Akõre Warrd̶e ijãa panuud̶eeba maud̶e kuitaa panuud̶eeba ãbua biꞌia paneeduud̶aa. Maud̶e dachi ne jomad̶e Cristo kĩra nuread̶ai.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Filipenses 3:10

Mʉʉba Cristo ãrea unui kʉ̃ria b̶uu. Ichi Dachi Akõre poyaabariid̶eeba chokae jiradusii. Mʉ ara mau poyaabariid̶eeba ichi baara nibai kʉ̃ria b̶uu. Maud̶eeba ichi ãrea biꞌiwãe b̶uad̶a kĩra mʉ sid̶a biꞌiwãe b̶uai kʉ̃ria b̶uu, maud̶e ichi biud̶a kĩra biui kʉ̃ria b̶uu.

Filipenses 3:12

Mʉʉba jarawẽa b̶uu mʉ jãabae maka nii. Maud̶e jarawẽa b̶uu mʉ jãabae jipa nii. Maamina maka b̶uai baita mʉ id̶iid̶eeba naa wãaruu, Cristo Jesusba mʉ mau baita jidausiid̶eeba.

Filipenses 3:7

Maamina ne joma mʉʉba naed̶e biꞌia unu b̶uad̶a, jãabae Cristod̶e ijãa b̶uud̶eeba mau biꞌia unukau.

2 Timoteo 4:6

Kãꞌãabariwãed̶e mʉ bead̶ai. Mʉ biui ewari ʉ̃rʉ ba b̶uu.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

1 Pedro 2:7

Machi chi Cristod̶e ijãabadaurãmaarã, ichi ãrea biꞌia b̶uu. Maamina chi ichid̶e ijãad̶akaurã ʉ̃rʉbena Dachi Akõre bed̶ead̶e naka b̶ʉ kub̶uu: «Chi mo chi de waubadaurãba ida b̶uped̶aad̶a, mau chi biara b̶eesii».

2 Pedro 1:2

Machiba Dachi Akõre maud̶e Dachi Mechiu Jesús kuitaa panuud̶eeba, mʉʉba kʉ̃ria b̶uu ãchi sõbiad̶eeba machi ãrea aid̶a panad̶amera maud̶e ãrea jirukaraayuwãe panabiad̶amera.

2 Pedro 1:3

Dachi Akõre kuitaa panuud̶eeba, ichi poyaabariid̶eeba dachimaa ne joma deasii ichiba kʉ̃ria b̶uu kĩra nibad̶amera maud̶e ewaricha ichi ome chokae nuread̶amera. Ichi chi mechiud̶eeba maud̶e jipa niid̶eeba dachi iuped̶a ne mechiu maud̶e ne bia dachi baita waui asii. Maka wau b̶uud̶eeba nau iujãad̶ebenarãba kachirua wau kʉ̃ria panuu machiba ida b̶ud̶aped̶a poyaa ichi kĩra jipa nuread̶ai.

2 Pedro 1:8

Machiba mau joma biꞌia wauduubʉrã, Dachi Mechiu Jesucristo aude kuitaabiad̶ai maud̶e ne biꞌia waud̶ai baita chokekea nureabiad̶ai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.