Filipenses 3:18 - Emberá Chamí

¹⁸ B̶es ãrea mʉʉba nau machimaa jarasii maud̶e jẽa b̶uuba waya jaraaruu: ẽbẽrarã ãreaba ãchiba wau panuud̶eeba unubiabadau chi Cristo cruzd̶e biud̶a ʉ̃rʉbena bed̶ea kuitaad̶ai kʉ̃riad̶akau.

Filipenses 3:18 Mawu Ofanana

Lucas 19:41

Jesús Jerusalén kaita baaruud̶e chi puuru unusiid̶e. Mau puuru kakua jẽasii.

Hechos 20:19

Mʉʉba chi Dachi Akõreba waubi b̶uu wau b̶uasiid̶e chi aude mechiu nibai kʉ̃riabasii. B̶esed̶e jẽa b̶uabachii, judiorãba mʉ kachirua wau kʉ̃ria panasiid̶eeba.

Romanos 9:2

Nau jaraaruu: mʉ ẽbẽrarã judiorã kakua ewaricha ãrea kĩra nomaa b̶uabarii, ãchi Dachi Akõre ome biꞌiwãe panuud̶eeba. Mʉ Cristod̶ebena awara b̶eei kʉ̃riai, mʉ ãbarã aid̶ai baita,

1 Corintios 1:18

Chi tʉbʉchia kiikaud̶aa wãd̶ai ẽbẽrarãmaarã, Cristo cruzd̶e biud̶a ʉ̃rʉbena bed̶ea kĩranema berrea b̶uu. Maamina dachi, chi Dachi Akõreba karibabadaurã, dachiba kuitaa panuu mau bed̶eaba Dachi Akõre poyaabarii kuitaabia b̶uu.

1 Corintios 6:9

¿Machiba adua panuka chi kachirua waubadau Dachi Akõre juad̶e panad̶aabai, ichid̶irã baara? ¡Ara machi du ab̶a setaa kũruarã́sturu! Chi kakuaba barikiu kachirua waubadaurã, Dachi Akõre kuenda juaba ne kaped̶aad̶a kĩraare ʉtaa id̶i nuree, junebena ome kãi topaneebadaurã, mukĩra wẽra kĩra nuree, mukĩra ab̶aarakau mukĩra ome panabadaurã, nechiruabadaurã, chi nejarra kʉ̃riabadaurã, itua biu nibabadaurã, setad̶eeba waabena ʉ̃rʉbena kachirua jarabadaurã maud̶e waabena setaa kũruabadaurã Dachi Akõre puurud̶e panad̶aabai.

2 Corintios 11:13

Ãchi Cristoba bʉid̶arãwãema, maumaarã waabenarã setaa kũruabadaurãbʉ. Setad̶eeba kʉ̃risiabiabadau ãchi Cristoba bʉid̶arã.

2 Corintios 11:29

Ab̶a ẽpermo b̶eeruubʉrã, mʉ sid̶a ẽpermo b̶eeruu kĩra b̶uabarii. Ab̶auba waabena ãba kachiruad̶e b̶aebiiruubʉrã, mʉ mau ẽbẽra ome kĩrubarii.

2 Corintios 2:4

Biawãra mau karta b̶ʉsii machi iadaai baita. Maamina maka b̶ʉʉbasii machi kĩra nomaad̶amera, maumaarã kuitaad̶amera mʉʉba machi biawãra kʉ̃ria b̶uu. Maud̶eeba mʉʉba kĩra nomaad̶eeba, ãrea kʉ̃risia b̶uud̶eeba maud̶e jẽa b̶uud̶eeba mau karta b̶ʉ b̶uasii.

Gálatas 1:7

Biawãra, chi bed̶ea bia june wãꞌãe. Maamina chi nureerãba machimaa biꞌiwãe kʉ̃risiabiabadau, chi bed̶ea bia Cristo ʉ̃rʉbena ãyaa jaradea panuud̶eeba.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

Gálatas 2:21

Dachi Akõreba ichi sõbiad̶eeba waud̶a mʉʉba ida b̶uwẽe. Moisesba b̶ʉd̶a wau panuud̶eeba chi jipa nuree baara panasirã, Cristo bari biui basii.

Gálatas 5:21

waabenarãba uru panuu kakua kachirua kʉ̃risiabadau, mia beabadau, itua biu nibabadau, kĩrajʉʉ bara b̶uabarii ewarid̶e ãrea kachirua waubadau maud̶e ne joma kachirua mau kĩra b̶ee sid̶a. Mʉʉba machimaa naed̶e jarad̶a kĩra waya jaraaruu: mau kachirua wau nuree Dachi Akõre juad̶e panad̶aabai, ichid̶irã baara.

Gálatas 6:12

Chi machi mukĩra chi kakua tõobi kʉ̃ria nureerãba maka waubadau, judiorãba biꞌia unud̶amera maud̶e ãchiba Cristo cruzd̶e biud̶a ʉ̃rʉbena jaradea panuu kakua ãchi kachirua waurãad̶amera.

Gálatas 6:14

Maamina mʉ maka niiwãema. Ara mʉ ʉ̃rʉbena ab̶a bid̶a biꞌia berreawẽma. Maumaarã ab̶aburu Dachi Mechiu Jesucristo cruzd̶e biud̶a ʉ̃rʉbena biꞌia berreai. Cristo cruzd̶e biusiid̶eeba chi nau iujãad̶ebenarãba biꞌia unubadau, mʉʉmaarã mau joma biusii. Maud̶e chi nau iujãad̶e nureemaarã, mʉ biusii.

Efesios 4:17

Machiba biawãra waud̶amera, mʉʉba Dachi Mechiu trʉ̃d̶eeba nau jaraaruu: waa Dachi Akõre adua nuree kĩra nibarã́sturu. Ãchi kʉ̃risia biꞌiwãe nureed̶eeba nibabadau.

Filipenses 1:4

Dachi Akõremaa ʉtaa id̶iiruucha mʉʉba machi baita kĩrajʉʉ ʉtaa id̶ibarii,

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

2 Tesalonicenses 3:11

Daiba ũri panuu waabenarã machid̶ebena koꞌoa nuree. Maarã trajad̶akau maumaarã waabenarã nebʉrad̶e panabadau.

2 Pedro 2:10

Chi nau kakuaba kachirua wau kʉ̃ria b̶uu waubadaurã maud̶e chi Dachi Akõre mʉ Mechiu ad̶ai kʉ̃riad̶akaurã aude kastikai. Setaa jaradeabadaurã kachirua waud̶ai baita perad̶akau. Ãrea kuitaa nuree kĩra panabadau. Jauri kachiruarã chi mechiu nuree ʉ̃rʉbena kachirua jarad̶ai baita wapead̶akau.

Judas 1:13

Mard̶ebena ʉ̃rape meserãa kĩra nuree. Marba ichi ʉ̃raped̶ebena kõpepeabibarii kĩra, naarãba ne barikia nejasia waubadau. O kachiruad̶e wãaduud̶eeba, pusterrea aoko barikiud̶e wãaruu kĩra nuree. Dachi Akõreba chob̶ea pãriu kub̶usii ewaricha kastikakuai baita.