Filipenses 3:13 - Emberá Chamí

¹³ Ãbarã, mʉʉba jarawẽa b̶uu mʉ biawãra maka nii; maamina mʉʉba nau wau b̶uu: mʉʉba naed̶e wau b̶uad̶a adua b̶eeped̶a naa pira wãaruu, Cristo kĩra b̶uai baita.

Filipenses 3:13 Mawu Ofanana

Lucas 10:42

Maamina ¿Dachi Akõre bed̶ea ũrii bia b̶uuwãeka? Mau Mariaba wau b̶uu. Ab̶au bid̶a mau wau b̶uu waurã́ba ad̶aabai.

Lucas 9:62

Jesusba panausii: —Ab̶a trajad̶e wãped̶a waya akarrnaa ichiaibʉrã, mau biꞌiwãe b̶uu Dachi Akõreba ichid̶irã ichi juad̶e ua b̶uud̶e trajai baita.

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Filipenses 3:12

Mʉʉba jarawẽa b̶uu mʉ jãabae maka nii. Maud̶e jarawẽa b̶uu mʉ jãabae jipa nii. Maamina maka b̶uai baita mʉ id̶iid̶eeba naa wãaruu, Cristo Jesusba mʉ mau baita jidausiid̶eeba.

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

Hebreos 6:1

Maud̶eeba Cristod̶e kuitaa wari kãri bad̶ai panuu. Dachiba ichi ʉ̃rʉbena naed̶e kuitaaped̶aad̶a akabichia aramáturu jaradearã́duru. Waya jaradead̶aabai chi kachirua wau panuu kakua biud̶ai panuu, kachirua ida b̶ud̶aped̶a Dachi Akõremaa need̶ai panuu, Dachi Akõred̶e ijãad̶ai ʉ̃rʉbena, boro ead̶ai ʉ̃rʉbena, ãbarã ʉ̃rʉ jua kub̶uud̶ai ʉ̃rʉbena, biud̶arã chokae jiradud̶ai ʉ̃rʉbena maud̶e Dachi Akõreba kastikaped̶a ewaricha ãrea biꞌiwãe panad̶ai ʉ̃rʉbena sid̶a.

2 Pedro 3:8

Maamina ãbarã, nau kĩraba panad̶a ida b̶urã́sturu: Dachi Mechiumaarã ewari ab̶a 1.000 años kĩra b̶uu maud̶e 1.000 años ewari ab̶a kĩra b̶uu.