Filipenses 3:12 - Emberá Chamí

¹² Mʉʉba jarawẽa b̶uu mʉ jãabae maka nii. Maud̶e jarawẽa b̶uu mʉ jãabae jipa nii. Maamina maka b̶uai baita mʉ id̶iid̶eeba naa wãaruu, Cristo Jesusba mʉ mau baita jidausiid̶eeba.

Filipenses 3:12 Mawu Ofanana

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

1 Corintios 13:10

Maamina chi bibuara b̶uu neeruud̶e mau b̶aꞌãra b̶uu wãꞌãe bai. Maud̶e joma kuitaad̶ai.

1 Corintios 13:12

Ʉ̃raud̶e dachiba Dachi Akõred̶ebena tõroroa kĩra unu panuu chi kĩra ichiabadaud̶e. Maamina ewari ab̶ad̶e dachiba joma ʉ̃d̶aa unud̶ai mau saka b̶uu. Ʉ̃raud̶e mʉʉba b̶aꞌãraburu kuitaa b̶uu, maamina ewari ab̶ad̶e joma kuitaai Dachi Akõreba mʉ ʉ̃rʉbena kuitaa b̶uu kĩra.

1 Corintios 9:24

Machiba kuitaa panuu ẽbẽrarã pirabadau kai chi aude isa pira nii kuitaad̶ai baita. Maud̶e kabanaa pirabadamina ab̶a chi naa need̶aburu ne adaubarii. Machi sid̶a isa piraaduu kĩra joma biꞌia wáusturu Dachi Akõreba deai jarad̶a adaud̶ai baita.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Gálatas 5:17

Nau kakuaba kachirua wau kʉ̃ria b̶uu Dachi Akõre Jauriba kʉ̃riakau. Maud̶e Dachi Akõre Jauriba waubii kʉ̃ria b̶uu nau kakuaba kʉ̃riakau. Mau ãbua biꞌia panad̶akaud̶eeba machiba wau kʉ̃ria panuu poyaa waud̶aabai.

Efesios 1:4

Nau drua waui naed̶e Cristod̶eeba dachi jʉrʉ adausii ichi baita biꞌia nuread̶amera maud̶e ichi daad̶e jayoa kachiruaswãe nuread̶amera. Nabẽraed̶eed̶e Jesucristod̶eeba dachi ichi warrarã bad̶ai a kʉ̃risia b̶uasii. Maka wau kʉ̃ria b̶uasii dachi kʉ̃riakuasiid̶eeba.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Filipenses 3:16

Maamina dachiba kuitaaped̶aad̶a joma waud̶ai panuu.

Filipenses 3:3

Maamina dachi chi biawãra mukĩra chi kakua tõoped̶aad̶abʉ. Dachiaburu Dachi Akõre Jaurid̶eeba ichimaa biꞌia berreabadau. Maud̶e Jesucristoba dachi baita waud̶a biꞌia jarabadau. Dachiba kʉ̃risiad̶akau Dachi Akõreba dachi jipa nuree unui, dachiba wau panuu kakua.

Filipenses 3:8

Biawãra mʉ Mechiu Jesucristo kuitaai ne joma audeara bibuara b̶uu. Mʉʉba kʉ̃risia b̶uad̶a ichi kakua joma ida b̶usii. Joma mau nejarr kĩra unusii Cristo kuitaai baita

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

2 Tesalonicenses 2:13

Ãbarã, daiba ewaricha machi baita Dachi Akõremaa ichíturu kid̶ibai abadau. Dachi Mechiuba machi kʉ̃ria b̶uu. Ichiba arab̶aed̶eed̶e machi jʉrʉ adausii karibai baita. Machiba ichi bed̶ea biawãra ijãa panuud̶eeba maud̶e ichi Jauriba machi ichi baita biꞌia b̶ud̶ad̶eeba aid̶ai.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

1 Timoteo 6:19

Maka biꞌia wau panuud̶eeba ne kaebea pe nub̶uumaa panuu ewari ab̶a neeruud̶e biꞌia panad̶ai baita. Ara maud̶e ãchi biawãra chokae panad̶ai.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Santiago 3:2

Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.