Filipenses 2:22 - Emberá Chamí

²² Maamina machiba kuitaa panuu Timoteoba biꞌia waubarii. Warrba ichi akõre aid̶abarii kĩra ichiba bed̶ea bia Cristo ʉ̃rʉbena aid̶a jaradea b̶uu.

Filipenses 2:22 Mawu Ofanana

Hechos 16:2

Ãbarã Listrad̶ebenaba maud̶e Iconio puurud̶ebenaba mau Timoteo ʉ̃rʉbena biꞌia jarabachid̶au.

Romanos 5:4

Mau dauchia jãadua panuud̶eeba kuitaa panuu Dachi Akõreba dachi biꞌia unu b̶uu. Maud̶eeba kuitaa panuu Dachi Akõre biad̶ebena adaud̶ai.

1 Corintios 16:10

Ãba Timoteo machimaa neeruubʉrã, ichi machi tãed̶e biꞌia irsibísturu wapearãamera. Dachi Mechiuba kʉ̃ria b̶uu ichiba biꞌia wau b̶uu mʉʉba wau b̶uu kĩra.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

2 Corintios 8:22

Mau ãbarã baara machimaa bʉiduud̶e, ãba june bʉid̶ai. Mau ãbaba b̶es ãrea daimaa unubiasii ãbarã ãrea aid̶a kʉ̃ria b̶uu. Id̶ibae machi ãrea aid̶a kʉ̃ria b̶uu machiba jipa waud̶ai kuitaa b̶uud̶eeba.

2 Corintios 8:24

Mau ãbarãmaa unubiásturu machiba ãchi biawãra kʉ̃ria panuu. Maka ãchiba kuitaad̶ai daiba machi ʉ̃rʉbena biꞌia jaraped̶aad̶a biawãra basii. Waabenarã ãbarã bid̶a ara mau kĩra kuitaad̶ai.

2 Corintios 8:8

Mʉʉba mau wáusturu awẽa b̶uu, maumaarã mʉʉba kʉ̃ria b̶uu machiba unubid̶ai ãbarã biawãra kʉ̃ria panuu. Maud̶eeba mʉʉba machimaa kuitaabiai b̶uu saka waabenarãba chi nejarra ãbarã Jerusalend̶ebena baita pe panuu.

Filipenses 1:12

Ãbarã, mʉʉba machimaa kuitaabiai kʉ̃ria b̶uu mʉ chi makad̶aba aid̶a b̶uu ẽbẽrarãba chi bed̶ea bia Cristo ʉ̃rʉbena ijãad̶amera.

Filipenses 1:16

Maarãba kʉ̃riad̶eeba maka waubadau. Kuitaa panuu Dachi Akõreba mʉ nama b̶usii chi bed̶ea bia Cristo ʉ̃rʉbena biawãra arakʉd̶e kuitaabiamera. Maamina chi nureerãba Cristo ʉ̃rʉbena jara nibabadau ãrea kuitaa nuree kʉ̃risia panuud̶eeba. Kʉ̃risia biad̶eeba maka waud̶akau. Kʉ̃risia panuu maka mʉ nama jʉ̃a b̶uud̶e aude kĩra nomaabid̶ai.

Filipenses 1:5

machiba ichi bed̶ea ijãaped̶aad̶ad̶eed̶ebena mʉ aid̶a panuud̶eeba, chi bed̶ea bia Cristo ʉ̃rʉbena jaradeai baita.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Filipenses 2:20

Nama mʉ baara ichi kĩra nii wãꞌãe. Ichiba machi biawãra aid̶a kʉ̃ria b̶uu.

1 Timoteo 1:18

Mʉ warr Timoteo, mʉʉba Dachi Akõreba naa jarabʉid̶a bichi ʉ̃rʉbena kʉ̃risiaruud̶e, bichiba waui b̶uu jarabʉiruu. Maka Cristod̶e ijãa b̶uud̶eeba, kʉ̃risia jipa b̶uud̶eeba chi biawãra bed̶ea uru b̶uase waabenarã tãed̶e kokoroa chĩobarii kĩra. Waabenarãba mau kʉ̃risia bia uru panad̶a ida b̶ud̶aped̶a ãchiba Cristod̶e ijãa panuu ida b̶usid̶au.

1 Timoteo 1:2

Timoteo, mʉʉba nau karta bichi baita b̶ʉʉruu. Mʉʉd̶eeba Cristod̶e ijãasiid̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba kĩra chuburia panad̶amera, ãchi sõbiad̶eeba aid̶a panad̶amera, maud̶e jirukaraayuwãe panabid̶amera.

1 Timoteo 4:6

Timoteo, bichiba joma mau ãbarãmaa jaradea b̶uaruubʉrã, Jesucristo baita bari trajabarii biꞌia b̶uai. Dachi Akõre chi biawãra bed̶ea dachiba ijãa panuu ijãa kãriid̶eeba bichi jauri chaarea wari b̶uai biꞌia ko b̶uu kĩra.

2 Timoteo 1:2

Timoteo, nau karta bichi baita b̶ʉʉruu. Mʉʉba bichi ãrea kʉ̃ria b̶uu mʉ warr kĩra. Kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristo bid̶a bichi kĩra chuburia panad̶ai, ãchi sõbiad̶eeba aid̶a panad̶ai maud̶e jirukaraayuwãe panabid̶amera.

2 Timoteo 3:10

Maamina bichiba nau biꞌia kuitaa b̶uu: mʉʉba jaradea b̶uu, mʉ nibabarii, mʉʉba wau kʉ̃ria b̶uu, mʉʉba Cristod̶e ijãa b̶uu, mʉ jomad̶e jãadua b̶uu, mʉʉba waabenarã kʉ̃ria b̶uu, mʉ jomad̶e dauchia jãadua b̶uu

Tito 1:4

Tito, mʉʉba nau karta bichi baita b̶ʉʉruu. Dachiba arab̶aud̶e Cristod̶e ijãa panuud̶eeba bichi biawãra mʉ warr kĩra b̶uu. Mʉʉba kʉ̃ria b̶uu Dachi Bajãad̶ebena Akõreba maud̶e Dachi Mechiu Jesucristoba ãchi sõbiad̶eeba bichi aid̶a panad̶amera maud̶e jirukaraayuwãe panabid̶amera.