Filipenses 2:17 - Emberá Chamí

¹⁷ Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Filipenses 2:17 Mawu Ofanana

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

2 Corintios 12:15

Ara mʉ maud̶e joma mʉʉba uru b̶uu kĩrajʉʉ deai machi aid̶ai baita. Mʉ ãrea kʉ̃riad̶awẽa panumina, mʉʉba machi aude kʉ̃riakua b̶uai.

2 Corintios 4:12

Biawãra ẽbẽrarãba dai bead̶ai kʉ̃ria panumina daiba jaradea panuu machiba ijãasid̶au. Maud̶eeba ewaricha Dachi Akõre ome chokae panad̶ai.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

2 Corintios 7:4

Mʉʉba machimaa biawãra berrea b̶uu maud̶e machi kakua mʉ kĩrajʉʉ b̶uu. Dai ãrea biꞌiwãe panuud̶e mʉ machi kakua sõbiad̶eeba b̶uabarii maud̶e ãrea kĩrajʉʉ b̶uabarii.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

Filipenses 2:18

Ara mau kĩra machi sid̶a mʉ ome ãbua kĩrajʉʉ nuread̶ai panuu.

Filipenses 2:30

Cristoba waubi b̶uu kakua ichi beraa biukausii. Chi machiba mamauba mʉ baita poyaa waud̶awẽa panuu, ichiba biui adua wausii.

Filipenses 4:18

Ne joma machiba ãba Epafrodito ome urubʉiped̶aad̶a mʉʉba adausii. Maud̶eeba ãrea uru b̶uu. Mauba mʉ biꞌia b̶uai. Machiba urubʉiped̶aad̶a chi kera tuwaa Dachi Akõremaa dead̶a kĩra b̶uu. Mau Dachi Akõreba biꞌia unu b̶uu.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

1 Tesalonicenses 2:8

Daiba machi ãrea kʉ̃ria panuud̶eeba bari chi Dachi Akõre ʉ̃rʉbena bed̶ea bia machimaa jaradead̶akau, maud̶e machi ne jomad̶e aid̶ad̶ai baita panasid̶au.

2 Timoteo 4:6

Kãꞌãabariwãed̶e mʉ bead̶ai. Mʉ biui ewari ʉ̃rʉ ba b̶uu.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

1 Juan 3:16

Naud̶eeba dachiba kuitaa panuu dachi ãbarã kʉ̃riabadau: Jesucristo dachi kakua biusii. Ara mau kĩra dachi sid̶a kʉ̃riad̶eeba ãbarã baita biud̶ai baita nuread̶ai panuu.