Filipenses 2:11 - Emberá Chamí

¹¹ Maud̶e jomaurãba Jesucristo jomaurã Mechiu a jarad̶ai maud̶e Dachi Bajãad̶ebena Akõremaa biꞌia berread̶ai.

Filipenses 2:11 Mawu Ofanana

Mateo 10:32

»Ab̶auba ẽbẽrarã daad̶e mʉʉd̶e ijãa b̶uad̶e aaruubʉrã, mʉ Chacha bajãad̶e b̶uu daad̶e mʉʉba ichi mʉʉd̶e ai.

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Juan 12:42

Isaiasba maka b̶ʉsmina ãrea judiorã maud̶e paare mechiurãba Jesusd̶e ijãasid̶au. Maamina waabenarãmaa mau jarad̶aabasii. Wapea panasid̶au fariseorãba ãchi araa ãbua imibadau ded̶ebena duabʉid̶ai.

Juan 13:13

Machiba mʉʉmaa “mʉ Jaradeabarii” abadau maud̶e “mʉ Mechiu abadau”. Biawãra arakʉd̶e jara panuu, mʉ maka niid̶eeba.

Juan 13:14

Mʉ chi Mechiuba maud̶e machimaa Jaradeabariiba, machi jʉ̃rʉ jeraasiid̶eeba machia bid̶a chiya jʉ̃rʉ jeraad̶ai panuu.

Juan 14:13

Maka machiba mʉʉd̶e ijãa panuud̶eeba mʉ trʉ̃d̶eeba id̶iiduu mʉʉba joma waui. Maka mʉʉd̶eeba jomaurãba mʉ Chacha jomaurã audeara mechiu nii unud̶ai.

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

Juan 17:1

Jesusba maka jarasiid̶e bajãad̶aa ichiaped̶a jarasii: «Chacha, mʉ ewari neesii. Bichi Warr chi mechiu nii unubise bichi Warrba bichi biawãra chi mechiu nii unubimera.

Juan 20:28

Maud̶e Tomasba jarasii: —¡Mʉ Mechiu! ¡Mʉ Dachi Akõre!

Juan 5:23

Maka jomaurãba mʉ Chacha wapea panuu kĩra mʉ sid̶a wapead̶ai. Chi mʉ wapeawẽa b̶uuba mʉ Chacha sid̶a wapeawẽa b̶uu, mʉ Chachaba mʉ nau iujãad̶aa bʉisiid̶eeba.

Juan 9:22

Ichi akõrerãba maka jarasid̶au judiorã karrarã wapea panuud̶eeba. Biawãra mau judiorãba jarasid̶au ab̶auba Jesús chi Dachi Akõreba Dachi Karibabarii deai jarad̶a a jaraaruubʉrã chi judiorã araa ãbua imibadau ded̶ebena ãyaa bʉid̶ai asid̶au.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Hechos 2:36

»Maud̶eeba joma israeld̶ebenarã, biawãra kuitásturu: Jesús, chi machiba cruzd̶e jirab̶ubiped̶aad̶a, Dachi Akõreba mau chi jomaurã Mechiu maud̶e Dachi Karibabarii deai jarad̶a b̶usii».

Romanos 14:11

Dachi Akõre bed̶ead̶e naka b̶ʉ kub̶uu: «Dachi Mechiuba naka jara b̶uu: mʉ biawãra chokae b̶uud̶eeba biawãrad̶eeba jaraaruu jomaurã mʉ daad̶e õdarrd̶e kopaneed̶ai mʉʉmaa biꞌia berread̶ai baita. Maud̶e jomaurãba “mʉ Dachi Akõre” a jarad̶ai».

Romanos 14:9

Cristo biusii, biud̶arã Mechiu bai baita. Maud̶e chokae jiradusii, chi chokae nuree Mechiu bai baita.

Romanos 15:9

Maud̶e Cristo neesii judiowãerãba Dachi Akõremaa biꞌia berread̶amera ãchi kĩra chuburiasiid̶eeba. Mau ʉ̃rʉbena Dachi Akõre bed̶ead̶e naka b̶ʉ kub̶uu: «Mʉʉba bichi judiowãerã tãed̶e biꞌia berreai. Mʉʉba bichimaa biꞌia karii».

1 Corintios 12:3

Maud̶eeba mʉʉba kʉ̃ria b̶uu machiba nau kuitaad̶ayu: Chi Dachi Akõre Jaurid̶eeba berrea b̶uuba «Jesús kachirua nii» akau. Maud̶e chi Dachi Akõre Jaurid̶eeba berreawẽa b̶uuba «Jesús jomaurã Mechiu» akau.

1 Corintios 15:47

Chi nabena ẽbẽra Adán abadau ioro waud̶ad̶eeba, nau iujãad̶ebena basii. Chi mawãarebena ẽbẽra Jesucristo abadau bajãad̶ebenabʉ.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

1 Juan 4:15

Barikiuba Jesús biawãra Dachi Akõre Warr aaruubʉrã, Dachi Akõre ichi ome b̶uu maud̶e ichi Dachi Akõre ome b̶uu.

1 Juan 4:2

Naka machiba kuitaad̶ai kai Dachi Akõre Jaurid̶eeba berrea b̶uu: ab̶aba Jesucristo nau kakuad̶e biawãra neesii aaruubʉrã, Dachi Akõre Jaurid̶eeba berrea b̶uu.

2 Juan 1:7

Chi nuree setaa kũruabadaurã nau iujãad̶e ãrea nibabadau. Maarãba ijãad̶akau Jesucristo nau kakuad̶e dachi kĩra neesii. Chi maka b̶uu waabenarã setaa kũruabarii maud̶e Cristo kĩramaabʉ.

Apocalipsis 3:5

Chi kachirua waud̶ai poyaaped̶aad̶arãba ara mau kĩra paru torroa jʉ̃d̶ai. Ãchi trʉ̃ chi ewaricha chokae duanabarii kartad̶e b̶ʉ kub̶uud̶eeba mʉʉba mau jareebai. Maumaarã mʉ Chacha daad̶e maud̶e chi angelerã daad̶e ãchi mʉʉd̶erã ai.