Colosenses 4:11 - Emberá Chamí

¹¹ Maud̶e ãba Jesús, Justo abadauba jarabʉi b̶uu machi biꞌia panad̶ai. Ãbarã judiorãd̶ebena mau õbea panuuba nama mʉ aid̶a jaradea panuu Dachi Akõreba ichid̶irã ichi juad̶e ua b̶uu ʉ̃rʉbena. Mau ãbarã kakua mʉ kĩrajʉʉ b̶uabarii.

Colosenses 4:11 Mawu Ofanana

Hechos 10:45

Maud̶e ãibena bed̶ead̶e berrea duaneesid̶au maud̶e Dachi Akõremaa biꞌia berrea duaneesid̶au. Judiorã Jesusd̶e ijãabadaurã Pedro ome neeped̶aad̶aba mau ũrisid̶aud̶e kuitaa kʉ̃risiad̶aabasii Dachi Akõreba ichi Jauri judiowãerãmaa deasiid̶eeba.

Hechos 11:2

Maud̶eeba Pedro Jerusalend̶aa wãsiid̶e chi nuree ãbarã judiorãba ichi ome kĩru berreasid̶au.

Romanos 16:3

Neekau Priscilamaa maud̶e ãba Aquilamaa jarásturu mʉʉba kʉ̃ria b̶uu maarã biꞌia panad̶ai. Ãchiba mʉ ome arab̶au traju Jesucristod̶e wau panuu.

Romanos 4:12

Maud̶e Abrahamba mukĩra chi kakua tõoi naed̶e ijãa b̶uad̶a kĩra mukĩra chi kakua tõo nureerãba ijãaduubʉrã Abraham ãchi akõrebʉ.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Efesios 2:11

Maud̶eeba kĩrabásturu machi judiowãerãd̶ebena adausid̶aud̶eeba, judiorãba machi «mukĩra chi kakua tõod̶awẽa nuree» abachid̶au. Ara ãchi «mukĩra chi kakua tõo nuree» abachid̶au, maamina ab̶a nau kakuad̶éburu ãyaa nuree.

Filipenses 4:3

Maud̶e bichi, chi mʉ ome Dachi Akõre traju waubarii, mʉʉba bichimaa id̶iiruu mau neekaurã aid̶amera. Ãchi Clemente baara maud̶e waabenarã sid̶a mʉ ome ãrea trajasid̶au chi bed̶ea bia Cristo ʉ̃rʉbena kuitaabiad̶ai baita. Joma ãchi trʉ̃ Dachi Akõreba chi ewaricha chokae duanabarii kartad̶e b̶ʉ uru b̶uu.

Colosenses 4:7

Mʉʉba dachi ãba Tíquico machimaa bʉiruu mʉ ʉ̃rʉbena jaramera. Daiba mau biꞌia kʉ̃ria panuu. Mauba mʉ ome ãbua Dachi Mechiu traju ne jomad̶e biꞌia wau b̶uu. Mauba dai ʉ̃rʉbena machimaa joma kuitaabiai, maud̶e kĩrajʉʉbiai.

1 Tesalonicenses 3:7

Mauba ãbarã, daiba kuitaasid̶au machiba Jesusd̶e wabid̶a ijãa panuu. Maud̶eeba dai ãrea nebʉra baraa panumina kĩrajʉʉsid̶au.

Tito 1:10

Mʉʉba maka jara b̶uu biawãra bed̶ea kʉ̃riad̶akaurã, dachi aid̶ad̶akau bed̶ea jaradeabadaurã maud̶e waabenarã setaa kũruabadaurã baraud̶eeba. Maarãba dachi mukĩra chi kakua tõod̶ai panuu abadaurã.

Filemón 1:1

Mʉ Pablobʉ. Jesucristo kakua jʉ̃a b̶uu. Dachi ãba Timoteo nama b̶uu. Ãba Filemón, daiba bichi kʉ̃ria panuu. Bichiba dai kĩra Dachi Akõre traju wau b̶uud̶eeba mʉʉba nau karta bichi baita b̶ʉʉruu.

Filemón 1:24

Marcosba, Aristarcoba, Demasba maud̶e Lucasba jarabʉi panuu bichi biꞌia b̶uai. Maarãba mʉ ome Dachi Akõre traju wau panuu.