Colosenses 4:10 - Emberá Chamí

¹⁰ Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.

Colosenses 4:10 Mawu Ofanana

Hechos 12:12

Pedroba biawãra karibasii kuitaasiid̶e Juan nawe María deemaa wãsii. Mau Juan, ara mau Marcos abachid̶au. María ded̶e ãrea ãbarãba ãbua Dachi Akõremaa ʉtaa id̶imaa panasid̶au.

Hechos 12:25

Bernabeba maud̶e Sauloba Jerusalend̶e chi nejarra ãbarã baita dead̶aped̶a waya wãsid̶au. Juan, ara mau Marcos abadau, adoesid̶au.

Hechos 13:13

Pablo maud̶e ichi ome nibad̶a Pafos puurud̶ebena Panfilia druad̶aa jãbad̶e wãsid̶au. Aria puurud̶e neesid̶au. Maamina Juan Marcosba ãchi b̶ʉiped̶a Jerusalend̶aa waya wãsii.

Hechos 13:5

Salamina puurud̶e need̶aped̶a judiorã araa ãbua imibadau decha Dachi Akõre bed̶ea jaradeasid̶au. Ãchi aid̶ai baita Juan Marcos ãchi baara nibasii.

Hechos 19:29

Maka panuud̶e joma puurud̶ebenarã kuitaa kʉ̃risiad̶awẽa pira wãurisid̶au. Maud̶e waabenarãba Pablo baara nibabadau ome jidaud̶aped̶a teatrod̶aa adoesid̶au: ab̶a Gayo basii maud̶e chi ab̶abena Aristarco basii. Maarã Macedonia druad̶ebena basii.

Hechos 20:4

Ichi baara naarã Asia druad̶aa wãsid̶au: Berea puurud̶ebena Pirro warr Sópater, Tesalónica puurud̶ebena Segundo maud̶e Aristarco, Derbe puurud̶ebena Gayo, Asia druad̶ebena Tíquico maud̶e Trófimo maud̶e Timoteo.

Hechos 27:2

Maabae dai jãba Adramitio puurud̶ebenad̶e ataud̶aped̶a wãsid̶au. Mau jãba Asia druad̶e puurucha wãaruu basii. Ãba Aristarco Macedonia druad̶ebena dai baara wãsii. Mau Tesalónica puurud̶ebena basii.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

Romanos 16:2

Dachi Mechiu trʉ̃d̶eeba biꞌia irsibísturu ẽbẽrarã Dachi Akõred̶erãba waud̶ai panuu kĩra. Ichiba ẽbẽrarã ãrea aid̶asii. Mʉ sid̶a ãrea aid̶asii. Maud̶eeba ne jomad̶e ichi aid̶ásturu.

Romanos 16:7

Mʉ ãbarã judiorã Andronicomaa maud̶e Juniamaa ara mau kĩra jarásturu. Waabenarã biꞌia kuitaa panuu maarã Cristoba bʉid̶arã. Mʉʉba Cristod̶e ijãai naed̶e maarãba ijãasid̶au.

2 Timoteo 4:11

Ab̶aburu ãba Lucas mʉ ome b̶uu. Bichi neeruud̶e ãba Marcos jʉrʉd̶e wãped̶a eneese. Mʉʉba Dachi Akõre baita wau b̶uu mauba aid̶ai b̶uu.

Filemón 1:23

Ãba Epafras Jesucristo kakua mʉ ome jʉ̃a uru panuu. Mauba jarabʉi b̶uu bichi biꞌia b̶uai.

Filemón 1:24

Marcosba, Aristarcoba, Demasba maud̶e Lucasba jarabʉi panuu bichi biꞌia b̶uai. Maarãba mʉ ome Dachi Akõre traju wau panuu.

1 Pedro 5:13

Ãbarã Babiloniad̶ebenarãba jarabʉi panuu machi biꞌia panad̶ai. Machi jʉrʉ adaud̶a kĩra ãchi sid̶a Dachi Akõreba jʉrʉ adausii. Mʉ warr kĩra nii Marcos bid̶a jarabʉi b̶uu machi biꞌia panad̶ai.