Colosenses 2:16 - Emberá Chamí

¹⁶ Maud̶eeba machiba kobadau ʉ̃rʉbena maud̶e dobadau ʉ̃rʉbena ẽbẽrarãba kachirua jaraaduubʉrã, maarã bed̶ea ijãarã́sturu. Machiba ẽbẽrarã kĩrajʉʉ bara b̶uabarii ewari waubadau ewari nud̶akau, jed̶ako wid̶i nud̶akau maud̶e bari panabadau ewari nud̶akau ʉ̃rʉbena maarãba kachirua jaraaduubʉrã, ijãarã́sturu.

Colosenses 2:16 Mawu Ofanana

Mateo 15:11

Dachiba kobadauba Dachi Akõre daad̶e miadaa b̶ukau. Maumaarã dachi okarrd̶ebena cheeruuba dachi miadaa waubibarii.

Marcos 7:19

dachi sõd̶e ed̶a wãwẽa b̶uud̶eeba. Joma chi ẽbẽra okarrd̶e wãaruu, b̶id̶e wãbarii maabae awara wãbarii. Maka jara b̶uud̶eeba Jesusba kuitaabiasii ne joma kod̶ai biꞌia b̶uu.

Hechos 15:20

Maumaarã kartad̶e b̶ʉd̶ai panuu Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu.

Romanos 14:10

Mau kakua ¿sakãe bichi ãba jidea b̶uma? ¿Sakãe jãu kĩramaa b̶uma? Joma Dachi Akõre daad̶e panad̶ai dachicha wauped̶aad̶a ichiamera.

Gálatas 4:10

Barikiu bari panabadau ewari, jed̶akod̶e maud̶e añod̶e waubadau Dachi Akõreba biꞌia unumera.

Colosenses 2:20

Machi Cristo ome ãbua biusid̶aud̶eeba nau iujãad̶ebena jauri mechiurãd̶e ijãad̶aabai panuu. Mau ¿sakãe wabid̶a mau kʉ̃risia ijãa panuma nau iujãad̶ebenarã ijãabadau kĩra?

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

Hebreos 9:10

Moisesba b̶ʉd̶aba náturu ab̶aburu kuitaabiasii chi dachi kakua chi ʉ̃rʉbena ome waubadau jaradeabadau: kãare kod̶ai panuu, kãare dod̶ai panuu maud̶e Dachi Akõreba jeraabi b̶uu saka jeraad̶ai panuu. Joma mau waubachid̶au ab̶a Dachi Akõreba joma chiwid̶i wauruud̶aa.

Santiago 4:11

Ãbarã, waabenarã ʉ̃rʉbena kachirua jararã́sturu. Ab̶auba ichi ãba ʉ̃rʉbena kachirua jaraaruubʉrã maebʉrã jidearuubʉrã, Moisesba b̶ʉd̶a ʉ̃rʉbena kachirua jara b̶uu, maud̶e mau Moisesba b̶ʉd̶a jidea b̶uu. Ab̶auba Moisesba b̶ʉd̶a maka jideai kʉ̃risia b̶uubʉrã, mau Moisesba b̶ʉd̶ad̶e jara b̶uu wauwẽa b̶uu. Moisesba b̶ʉd̶ad̶e jara b̶uu audeara ichi waabenarã nebʉra ichiabarii b̶eesii.