Colosenses 1:8 - Emberá Chamí

⁸ Ichiba daimaa jarasii machi Dachi Akõre Jaurid̶eeba biawãra chiya kʉ̃ria panuu.

Colosenses 1:8 Mawu Ofanana

Marcos 4:22

Ara mau kĩra ne merad̶a jãad̶akare mau unui. Chi dachiba kuitaad̶awẽa panuu jãad̶akare Dachi Akõreba mau joma kuitaabiai.

Romanos 15:30

Ãbarã, Dachi Akõre Jaurid̶eeba dachi chiya kʉ̃ria panuu. Maud̶eeba Dachi Mechiu Jesucristod̶eeba mʉʉba machimaa chi chuburia id̶iiruu mʉ aid̶ad̶ai Dachi Akõremaa ʉtaa id̶id̶amera.

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Colosenses 1:4

Daiba ũri panuu machiba Jesucristod̶e ijãa panuu maud̶e joma ẽbẽrarã Dachi Akõred̶erã ãrea kʉ̃ria panuu.

2 Timoteo 1:7

Dachi Akõreba dachi sõ wapea panabiabasii, maumaarã dachi poyaabarii panabiasii, waabenarã kʉ̃ria uru panabiasii, maud̶e dachi kakua saka kĩra jipa panad̶ai kuitaabiasii.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.