Colosenses 1:28 - Emberá Chamí

²⁸ Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

Colosenses 1:28 Mawu Ofanana

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 3:7

Maka b̶uud̶e waabenarã Moisesba b̶ʉd̶a jaradeabadau neesid̶au Juanba boro eamera. Waabenarã fariseorã basii; waabenarã saduceorã basii. Maamina Juanba ãchi unuuruud̶e jarasii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

Marcos 6:34

Jesús jãbad̶ebena ed̶aa wãsiid̶e ẽbẽrarã ãrea unusii. Oeja nubariiwãe nuree kĩra duanuud̶eeba, Jesusba ãchi kĩra chuburiasii. Maud̶eeba ãchimaa ne ãrea jaradea kob̶eesii.

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 13:38

Maud̶eeba ãbarã, nau kuitásturu: machiba kachirua waubadau Dachi Akõreba Jesusd̶eeba perdonai.

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 17:3

Ichiba arakʉd̶e jaradeabachii Dachi Akõreba Dachi Karibabarii deai jarad̶a ãrea biꞌiwãe b̶uai b̶uasii maud̶e biuped̶a chokae jiradui b̶uasii. Mau awara naka jarabachii: «Mʉʉba machimaa jara b̶uu Jesús biawãra Dachi Akõreba Dachi Karibabarii deai jarad̶abʉ».

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Hechos 3:20

ichiba chi Dachi Karibabarii deai jarad̶a bʉi naed̶e machimaa jara b̶uad̶a kĩra. Mau Jesusbʉ.

Hechos 5:42

Mau maad̶akare ewaricha jaradeabachid̶au chi bed̶ea bia Jesús Dachi Akõreba dachi Karibabarii deai jarad̶a ʉ̃rʉbena. Mau jaradea wãbachid̶au Dachi Akõre de mechiud̶e maud̶e decha.

Hechos 8:35

Ara makʉd̶e Felipeba mau bed̶ea bia Jesús ʉ̃rʉbena jara kob̶eesii.

Hechos 8:5

Felipe Samaria puurud̶aa wãsii maud̶e Jesusba waud̶a jaradeabachii. Aria jaradeabachii Jesús Dachi Akõreba Dachi Karibabarii deai jarad̶a.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

1 Corintios 12:8

Dachi Akõre Jauriba waabenarã chi nureerãmaa dea b̶uu ichi kʉ̃risia kuitaad̶eeba poyaa berread̶amera. Dachi Akõre Jauri ara ab̶a niiba chi nureemaa dea b̶uu ichid̶eeba kuitaaped̶aad̶a poyaa jaradead̶amera.

1 Corintios 15:12

Daiba Cristo chokae jiradud̶a ʉ̃rʉbena jaradeabadau. Mau ¿saka waabenarã machid̶ebenaba biuped̶aad̶a chokae jiradud̶aabai a panuma?

1 Corintios 2:15

Chi Dachi Akõre Jauri uru b̶uuba Dachi Akõre ʉ̃rʉbena poyaa ãrea kuitaai. Maamina chi Dachi Akõre Jauriwãe niiba chi Dachi Akõre Jauri uru b̶uu kʉ̃risia, kauwa ũrikau.

1 Corintios 2:6

Maka b̶uud̶e daiba jaradea panuu chi Dachi Akõred̶e ãrea ijãa nureemaa. Ãchi baita mau jaradea panuu chi kʉ̃risia kuitaabʉ. Mau kʉ̃risia kuitaa nau iujãad̶ebenawãema maud̶e nau iujãad̶ebena karrarã kʉ̃risia kuitaawãema. Maarã ãrea panad̶aabai.

1 Corintios 4:14

Mʉʉba mau b̶ʉ kub̶uwẽe machi kĩrakayabiai baita. Maumaarã mʉ warrarã kĩra machi kʉ̃ria b̶uud̶eeba maka b̶ʉ kub̶uu jipa kʉ̃risiabiai baita.

2 Corintios 10:14

Dai machimaa naa chi bed̶ea bia Cristo ʉ̃rʉbena jaradead̶e wãsid̶au. Maka b̶uad̶awãe basirã id̶ibae machimaa jaradeaduud̶e, Dachi Akõreba bʉid̶awãemaa panad̶aabai basii.

2 Corintios 11:2

Dachi Akõreba nubia b̶uu kĩra mʉʉba machi ãrea nu kʉ̃ria b̶uu. Ẽbẽraba ichi kau kima dearuu kĩra mʉʉba machi Cristomaa dea kʉ̃ria b̶uu ara ichid̶irã nuread̶amera. Mʉʉba kʉ̃ria b̶uu machi ichi baita ãrea biꞌia nuread̶ai ãwera mukĩra adua b̶uu kĩra.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Efesios 5:27

Joma mau wausii dachi ichi baita ãrea biꞌia b̶ui baita, jayoa kachiruaswãe, bibidruaswãe maud̶e barikiu kachiruaswãe. Ichiba kʉ̃ria b̶uasii dachi ichi baita biꞌia nuread̶ai, kachirua jarad̶ai a jaraswãe.

Colosenses 1:22

Maamina Cristo biusiid̶eeba Dachi Akõreba machi mau ome biꞌia b̶usii ichi daad̶e kachiruaswãe nuread̶amera maud̶e waabenarãba machi ʉ̃rʉbena kachirua jarad̶ayuswãe nuread̶amera.

Colosenses 2:10

Machi Cristod̶e ẽbẽrarãd̶eeba, ichid̶eeba joma uru panuu Dachi Akõre ome biꞌia nuread̶ai baita. Mau joma chi meserãa nuree Mechiubʉ.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

Hebreos 10:14

Cristoba b̶es ab̶a ara ichi ida beabisiid̶eeba chi Dachi Akõre baita awara b̶ud̶arã jipa duanusii, maka ewaricha nuread̶amera.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

2 Pedro 3:15

Kĩrabásturu Dachi Mechiuba ẽbẽrarã karibai baita joma jãadua b̶uu. Ara mau kĩra dachiba kʉ̃ria panuu ãba Pablo bid̶a kartad̶e machi baita b̶ʉsii, Dachi Akõreba ichimaa dead̶a kʉ̃risia kuitaad̶eeba.