Colosenses 1:23 - Emberá Chamí

²³ Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:23 Mawu Ofanana

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Lucas 22:32

Maamina mʉʉba Dachi Akõremaa ʉtaa id̶isii bichiba ijãa b̶uu ida b̶urãamera. Maad̶akare bichiba kachirua waui b̶uu ida b̶uped̶a, bichi ãbarã aid̶ase biꞌia ijãad̶amera».

Lucas 6:48

Mau ẽbẽraba de wauruu kĩra b̶uu. Mau ẽbẽraba ãrea id̶u korosii ab̶a mo chaarea unuuruud̶aa. Mau ʉ̃rʉ de jʉ̃rʉ ʉyaa nub̶usii. Mau de chaarea ãrea nub̶uud̶eeba do ãrea cheeruud̶e b̶aebasii.

Juan 15:6

Chi mʉ baara b̶uuwãe mʉ Chachaba ãyaa jirakuai bakuru jua chaukau kĩra. Mau bakuru jua poaruud̶e dachiba araa ped̶aped̶a baabadau.

Hechos 1:17

Judas dachid̶ebena basii maud̶e dachiba waubadau ichia bid̶a wau b̶uabachii».

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 2:5

Pentecostés ewarid̶eeba judiorã druachad̶ebena chi Dachi Akõre kʉ̃ria nuree Jerusalend̶e duanasid̶au.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 26:16

Maamina jiraduse. Ara mʉ bichimaa unubisii mʉ baita bari trajabarii b̶uamera. Bichiba unud̶a maud̶e mʉʉba unubiiruu berreai b̶uu.

Hechos 4:12

Maud̶eeba Jesucristod̶éburu ijãaduubʉrã, Dachi Akõreba dachi kastikaabai dachiba kachirua wauped̶aad̶a kakua. Ichi awara, Dachi Akõreba ab̶a bid̶a nau iujãad̶e b̶uubasii ẽbẽrarã karibamera.

Romanos 10:18

Maamina mʉʉba id̶iiruu: ¿Judiorãba mau bed̶ea ũrid̶aabaska? Biawãra ũrisid̶au. Dachi Akõre bed̶ead̶e naka b̶ʉ kub̶uu: «Ichi ʉ̃rʉbena joma nau iujãad̶e jarasid̶au. Mau bed̶ea kaitawẽ jarad̶e wãsid̶au».

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

1 Corintios 3:5

Maamina ¿Pablo kaima? ¿Apolos kaima? Dai Dachi Akõre baita bari trajabadaubʉ. Daid̶eeba machiba Dachi Mechiud̶e ijãasid̶au. Dachi Akõreba daicha waubiad̶a kĩra wausid̶au.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 3:6

Dachi Akõreba dai b̶usii ichiba ẽbẽrarãmaa bed̶ea chiwid̶i dead̶a poyaa jaradead̶amera. Mau bed̶ea chiwid̶i dead̶a Moisesba b̶ʉd̶a kĩra juaba b̶ʉd̶awãe, maumaarã Dachi Akõre Jauriba kuitaabi b̶uu. Moisesba b̶ʉd̶aba kuitaabi b̶uu kachirua wau panuu kakua ẽbẽrarã biud̶ai panuu, maamina Dachi Akõre Jauriba dachimaa chokae nibabiabarii.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

Gálatas 5:5

Maamina dachiba Cristod̶e ijãa panuud̶eeba Dachi Akõre Jaurid̶eeba biawãra kuitaa panuu Dachi Akõreba dachi chi jipa nureerã baara b̶ui.

Gálatas 5:7

Machiba biawãra chi bed̶ea bia ijãa panasid̶au. ¿Kaiba waa joesma machiba mau bed̶ea ida b̶ud̶amera?

Gálatas 6:9

Maud̶eeba kakua ãkaad̶awẽa ne biꞌia wau panásturu. Kakua ãkaad̶awẽa panuubʉrã, Dachi Akõreba b̶ud̶a ewarid̶e dachiba biꞌia adaud̶ai.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Efesios 2:21

Ichid̶eeba, mo ʉtaa karaa kãrii kĩra, de bia wau kãrii, Dachi Mechiu baita biꞌia b̶eemera.

Efesios 3:17

Maud̶e ʉtaa id̶i b̶uu ijãa panuud̶eeba Cristo machi sõd̶e b̶uamera maud̶e machi ne jomad̶e kʉ̃riad̶eeba panad̶amera. Maka chaarea nuread̶ai ãrea karr jidau panuu kĩra.

Efesios 4:16

Ichid̶eeba joma dachi ichi kakuabʉ. Chi dachi kakuad̶e jid̶iu kara b̶eeba chiya aid̶ad̶ai. Dachicha waud̶ai panuu kĩra wauduud̶e jomaurã kʉ̃riad̶eeba biꞌia wari kãri bad̶ai.

Colosenses 1:25

Dachi Akõreba mʉ ichi ẽbẽrarã baita trajabarii b̶usii. Maud̶eeba ichi bed̶ea joma arakʉd̶e machimaa jaradea b̶uu.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

1 Tesalonicenses 3:3

maud̶e machi ãrea biꞌiwãe panuud̶e, mau ãrea kʉ̃risiarãad̶amera. Machiba kuitaa panuu Cristod̶e ijãa panuu baita dachi ãrea nebʉrad̶e panad̶ai panuu.

1 Tesalonicenses 3:5

Maud̶eeba mʉʉba waa poyaa dauchia jãadua b̶uawẽed̶eeba Timoteo machimaa bʉisii, wabid̶a Cristod̶e ijãa panuu kuitaai baita. Mʉʉba kʉ̃risia b̶uasii jʉbawãe niiba machimaa Cristo ida b̶ubia b̶uasii. Makad̶a basirã daiba machimaa Cristo ʉ̃rʉbena jaradeaped̶aad̶a bari ara jãka b̶uai basii.

1 Tesalonicenses 5:8

Maamina dachi chi ãyadaabenad̶eeba kĩrabia nuread̶ai panuu. Cristod̶e ijãa panad̶ai panuu, waabenarã kʉ̃ria nuread̶ai panuu maud̶e Dachi Akõreba kastikai bad̶ad̶ebena karibai esed̶au panad̶ai panuu. Maka ara dachi biꞌia nu panad̶ai, kokoroaba ichi borod̶e chaarea b̶uu jʉ̃barii kĩra, maud̶e kakuad̶e jʉ̃barii chaarea jʉ̃barii kĩra.

2 Tesalonicenses 2:16

Dachi Akõreba dachi kʉ̃riasii. Ichi sõbiad̶eeba sõbia nureabiasii ewaricha maka panad̶amera. Maud̶e kuitaabiasii biawãra ichid̶eeba ne bia adaud̶ai. Daiba kʉ̃ria panuu Dachi Mechiu Jesucristoba maud̶e Dachi Bajãad̶ebena Akõreba machi sõbiabid̶ayu maud̶e dauchia jãadua panad̶ayu. Maka machiba berrea panuu maud̶e wau panuu joma biꞌia b̶uai.

1 Timoteo 1:12

Dachi Mechiu Jesucristoba mʉʉmaa poyaabarii deasii ichi bed̶ea jaradea b̶uamera. Kuitaasii mʉʉba ne joma jipa waui ichi baita. Maud̶eeba mʉ iusii ichiba kʉ̃ria b̶uu wau b̶uamera. Mau baita mʉʉba ichíturu kid̶ibai b̶uu ai.

1 Timoteo 2:7

Mau baita mʉ ichi bed̶ea jarabarii b̶usii. Mʉ ichiba bʉid̶a b̶usii chi biawãra bed̶ea ichi ijãad̶ai panuu ʉ̃rʉbena judiowãerãmaa jaradead̶e wãmera. Mʉʉba biawãra jara b̶uu maud̶e setawãe b̶uu.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Tito 3:7

Maka Dachi Akõreba ichi sõbiad̶eeba dachi jipa unu b̶uud̶eeba ewaricha ichi ome chokae panad̶ai. Mau esed̶au panuu.

Hebreos 10:38

Chi jipa nii mʉʉd̶e ijãa niid̶eeba chokae nibai. Maamina ichiba ijãa b̶uu ida b̶uuruubʉrã, mʉʉba mau biꞌia unuubai».

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 6:19

Mauba dachi aid̶a b̶uu ãrea ijãa panad̶amera anclaba jãba jãaduabarii kĩra. Dachiba adaud̶ai panuu biawãra kuitaa panuu Jesús bajãad̶aa dachi naa wãsiid̶eeba. Ichi Dachi Akõre de ed̶are paru eab̶ari jira b̶uare wãyaa wãsii dachi karibai baita. Aria ichi dachi Paare mechiu b̶eesii Melquisedec nibad̶a kĩra. Ewaricha maka nii.

1 Pedro 1:3

Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

1 Juan 2:27

Maamina machiba Dachi Akõre Jauri Cristoba dead̶a uru panuu. Maud̶eeba jʉrʉd̶aabai panuu waabenarãmaa machi jaradeabiayua. Dachi Akõre Jauriba machimaa ne joma jaradea b̶uu. Ichiba jaradea b̶uu setawãe, maumaarã biawãrabʉ. Maud̶eeba Cristo ome ãbua panásturu Dachi Akõre Jauriba machimaa jaradead̶a kĩra.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.