Colosenses 1:11 - Emberá Chamí

¹¹ Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

Colosenses 1:11 Mawu Ofanana

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

1 Corintios 16:13

Kauwa panásturu. Jesucristod̶e ãrea ijãa panásturu. Ichid̶eeba perawẽa panásturu maud̶e chaarea panásturu.

2 Corintios 4:7

Daiba chi bed̶ea bia Cristo ʉ̃rʉbena uru panumina, nau kakua meserãaswãe b̶uu. Choko bari au ãribarii kĩra b̶uu. Maud̶eeba jomaurãba kuitaa panuu dai meserãad̶eeba mau bed̶ea jaradea panuuwãe, maumaarã Dachi Akõre meserãa mechia b̶uud̶eeba jaradea panuu.

Efesios 3:16

Mʉʉba ʉtaa id̶i b̶uu ichi Jaurid̶eeba maud̶e ichiba ne bia ãrea uru b̶uud̶ebena ichi poyaabarii machimaa sõd̶e deamera. Maka machi chaarea nuread̶ai.

Efesios 4:2

Machi waabenarã audeara biꞌia nuree kʉ̃risiarã́sturu. Kʉ̃riad̶eeba chiya dauchia jãadua nureásturu.

Efesios 6:10

Mau awara ãbarã, Dachi Mechiu ãrea poyaabarii b̶uud̶eeba chaarea nureásturu.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

2 Pedro 1:6

kʉ̃risia kuitaa panuud̶e jʉrʉ́sturu machi kakua kĩra jipa nuread̶ai baita; machi kakua kĩra jipa panuud̶e jʉrʉ́sturu joma jãaduad̶ai baita; joma jãadua panuud̶e jʉrʉ́sturu Dachi Akõreba kʉ̃ria b̶uu kĩra nuread̶ai baita;

Judas 1:25

Dachi Akõre ab̶aburu nii. Ichi dachi karibabariibʉ. Ichi chi aude Mechiu nii, maud̶e joma poyaa waui b̶uu. Jomaurã chibaribʉ. Nabẽraed̶eed̶ebena maka nii. Id̶ibae bid̶a maka nii, maud̶e maka b̶uai. Dachi Akõremaa biꞌia berread̶ai panuu Dachi Mechiu Jesucristod̶eeba. ¡Biꞌia b̶uu maka b̶uai!

Apocalipsis 14:12

Maud̶eeba ẽbẽrarã Dachi Akõred̶erã ãrea dauchia jãadua panad̶ai panuu. Jesusd̶e ãrea ijãad̶aped̶a, ichiba waubi b̶uu bed̶ea ũribaba panad̶ai panuu.