12 Ãba Tíquico mʉʉba Efesod̶aa bʉisii.
Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.
Maamina wãaruud̶e naka jarasii: —Dachi Akõreba kʉ̃riaruubʉrã mʉ waya machi ichiad̶e neei. Maabae jãbad̶e atauped̶a Efesod̶ebena wãsii.
Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.
»Dachi Akõreba ichid̶irã ichi juad̶e ua b̶uai ʉ̃rʉbena mʉʉba machimaa jara b̶uabachii. Maamina jãabae kuitaa b̶uu machiba mʉ waa unud̶aabai.
Ichi baara naarã Asia druad̶aa wãsid̶au: Berea puurud̶ebena Pirro warr Sópater, Tesalónica puurud̶ebena Segundo maud̶e Aristarco, Derbe puurud̶ebena Gayo, Asia druad̶ebena Tíquico maud̶e Trófimo maud̶e Timoteo.
Dachiba kʉ̃ria panuu ãba Tiquicoba mʉ ʉ̃rʉbena machimaa joma nebʉrʉi kuitaad̶amera mʉ saka b̶uu maud̶e kãare wau b̶uu. Ichi Dachi Mechiu baita ichi kʉ̃ria trajabarii jipa nii, maud̶e ne jomad̶e biꞌia waubarii.
Mʉʉba ichi machimaa bʉiruu kuitaad̶amera dai saka panuu. Mauba machi kĩrajʉʉbiai.
Mʉʉba dachi ãba Tíquico machimaa bʉiruu mʉ ʉ̃rʉbena jaramera. Daiba mau biꞌia kʉ̃ria panuu. Mauba mʉ ome ãbua Dachi Mechiu traju ne jomad̶e biꞌia wau b̶uu. Mauba dai ʉ̃rʉbena machimaa joma kuitaabiai, maud̶e kĩrajʉʉbiai.
Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.
Mʉʉba ãba Artemas maebʉrã ãba Tíquico bichimaa bʉiruu. Jãma neeruud̶e isa Nicópolis puurud̶aa mʉ ichiad̶e neese. Mʉ nau kui che ewarid̶e mama b̶uai kʉ̃risia b̶uu.
