2 Timoteo 3:8 - Emberá Chamí

⁸ Jãarã setaa jaradeabadaurã chi biawãra bed̶ea ida b̶ubadau. Janes maud̶e Jambres abadau kĩra waubadau, chi Moisés bed̶ea ida b̶uped̶aad̶arã. Ãchiba kʉ̃risia kachirua kʉ̃risiabadau maud̶e biawãra Cristod̶e ijãad̶akau.

2 Timoteo 3:8 Mawu Ofanana

Hechos 15:24

Daiba ũrisid̶au chi nuree namabena ẽbẽrarã machimaa wãd̶aped̶a ãchiba ãchimaa jaradea panuu kakua machi ãrea jirukaraad̶aped̶a kuitaa kʉ̃risiad̶awẽa paneesid̶au. Maamina mau ẽbẽrarã daiba bʉid̶aabasii.

Romanos 1:28

Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

Romanos 16:18

Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

1 Timoteo 4:2

Mau jai kachiruarãba jaradeabi panuu ẽbẽrarã chi jipa kĩra nureeba jaradeabadau. Kachirua waubadaud̶eeba mau ẽbẽrarãba adua nuree sãu chi bia maud̶e sãu chi kachirua.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Timoteo 4:15

Ichi ome kauwa b̶uase. Dachiba jaradea panuu ʉ̃rʉbena ichiba ãrea kachirua jarasii.

Tito 1:10

Mʉʉba maka jara b̶uu biawãra bed̶ea kʉ̃riad̶akaurã, dachi aid̶ad̶akau bed̶ea jaradeabadaurã maud̶e waabenarã setaa kũruabadaurã baraud̶eeba. Maarãba dachi mukĩra chi kakua tõod̶ai panuu abadaurã.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

2 Pedro 2:14

Ãibena wẽra ome kãi paneebadau. Ne joma kachirua wau b̶uuba kĩrased̶akau. Chi ãrea ijãawẽa nuree setaa kũruabadau. Ne joma kʉ̃riabadau. Mau kakua Dachi Akõreba ãchi nebʉra ichiai.

1 Juan 2:18

Mʉ warrarã, nau kaad̶ebena ewari wãꞌãeburuu. Machiba ũrisid̶au Cristo kĩramaabarii neei. Cristo kĩramaabadaurã id̶ibae barau. Maud̶eeba dachiba kuitaa panuu nau Dachi Akõre bed̶ea ewari wãꞌãeburuu.

1 Juan 4:1

Ãbarã, barikiurãba Dachi Akõre Jaurid̶eeba berrea panuu abadaurã ijãarã́sturu, maumaarã kauwa ichiásturu ãchiba biawãra Dachi Akõre Jaurid̶eeba maebʉrã waabenarãd̶eeba berrea panuu kuitaad̶ai baita. Mau makásturu ãreaba nau iujãad̶e setad̶eeba ãchiba Dachi Akõre Jaurid̶eeba berrea panuu abadaud̶eeba.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.

Apocalipsis 2:6

Maamina nau biꞌia wau panuu: chi Nicolaitasd̶e ijãabadaurãba kachirua waubadau machiba kʉ̃riad̶akau. Mʉa bid̶a mau kʉ̃riakau.