2 Timoteo 2:7 - Emberá Chamí

⁷ Mʉʉba jara b̶uu ʉ̃rʉbena ãrea kʉ̃risiáse. Dachi Mechiu Jesusba bichimaa joma mau kuitaabii.

2 Timoteo 2:7 Mawu Ofanana

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Lucas 24:45

Maabae Jesusba ãchimaa kʉ̃risia deasii Dachi Akõre bed̶ea kuitaad̶amera.

Lucas 9:44

—Mʉʉba machimaa jaraaruu ãrea biꞌia ũrísturu. Mʉ, chi Ẽbẽra Ba B̶uad̶a ẽbẽrarãmaa jidaubiai.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Juan 16:13

Maamina Dachi Akõre Jauriba biawãra bed̶ea kuitaabiabariid̶eeba ichi neeruud̶e machimaa jaradeai chi biawãra bed̶ea Dachi Akõred̶eeba nee b̶uu joma kuitaad̶amera. Ara ichi kʉ̃risiad̶eeba berreabai, maumaarã joma mʉʉd̶ebena ũriiruu jarai. Ichiba machimaa kuitaabiai chi neei ewarid̶e kãare sakai.

Hechos 7:10

Maud̶eeba joma ichi ãrea biꞌiwãe b̶uud̶ebena Dachi Akõreba karibasii. Ichimaa kʉ̃risia kuitaa deasii faraón chi Egiptod̶ebena reyba biꞌia unumera. Maud̶eeba chi mau druad̶ebena karr b̶usii, maud̶e chi rey ded̶ebena karr b̶usii.

1 Corintios 12:8

Dachi Akõre Jauriba waabenarã chi nureerãmaa dea b̶uu ichi kʉ̃risia kuitaad̶eeba poyaa berread̶amera. Dachi Akõre Jauri ara ab̶a niiba chi nureemaa dea b̶uu ichid̶eeba kuitaaped̶aad̶a poyaa jaradead̶amera.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

1 Timoteo 4:15

Joma mau kĩra jipa wau b̶uase jomaurãba kuitaad̶amera bichiba ewaricha biꞌia wau kãrii.

2 Timoteo 2:6

Chi uubarii ãrea trajabariid̶eeba, ichiba chi uu nub̶uu chaud̶ad̶ebena naa adaui b̶uu.

2 Timoteo 2:8

Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.

Hebreos 12:3

Biꞌia kʉ̃risiásturu ẽbẽra kachiruarãba Jesús miadaa wausid̶aud̶e saka dauchia jãaduasii. Maka machi kakua ãkaa panad̶aabasii maud̶e machiba ijãa panuu ida b̶ud̶ai kʉ̃risiad̶aabasii.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

Hebreos 7:4

¡Melquisedec ʉ̃rʉbena ãrea kʉ̃risiásturu! Mau biawãra chi mechiu basii. Dachi nabẽraed̶ebena chi mechiu Abrahamba chĩo b̶uaped̶a juakaa adaud̶ad̶ebena ichimaa deasii. 10 juasiiruud̶ebena ab̶a deasii.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

Santiago 3:15

Machi kʉ̃risia kuitaad̶eeba maka kʉ̃risia panuubʉrã, mau kʉ̃risia kuitaa Dachi Akõred̶ebena neekau, maumaarã nau iujãad̶ebena, ẽbẽrarãd̶ebena maud̶e jʉbawãe niid̶ebena neebarii.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.