2 Timoteo 1:8 - Emberá Chamí

⁸ Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

2 Timoteo 1:8 Mawu Ofanana

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Lucas 9:26

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ neei, mʉ Chachaba mʉʉmaa poyaabarii deasiid̶eeba maud̶e ichi angelerã poyaabariid̶e.

Juan 15:27

Machia bid̶a mʉ ʉ̃rʉbena berread̶ai, machi arab̶aed̶eed̶e mʉ baara panuud̶eeba.

Juan 19:35

Chi nau karta b̶ʉd̶aba biawãra mau unusii. Ichiba jara b̶uu biawãra b̶uu. Ichiba jara b̶uu biawãrabʉ, kuitaa b̶uu chi biawãra bed̶ea jara b̶uu machia bid̶a sõd̶eeba ijãad̶amera.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Romanos 8:36

Dachi Akõre bed̶ead̶e naka b̶ʉ kub̶uu: «Ewaricha bichi kakua dai bea kʉ̃ria panuu. Oeja beabadau kĩra bead̶ai kʉ̃risia panuu».

Romanos 9:33

Dachi Akõre bed̶ead̶e mau ʉ̃rʉbena naka b̶ʉ kub̶uu: «Ũrísturu. Mʉʉba Sión puurud̶e de waui baitabena mo b̶uuruu. Mau moomaa drʉd̶aped̶a b̶aed̶ai. Maamina chi ichid̶e ijãa b̶uuba bari ijãa b̶uabai».

1 Corintios 1:6

Joma Dachi Akõreba machimaa dead̶aba unubi b̶uu chi Cristo ʉ̃rʉbena bed̶ea daiba jaradeaped̶aad̶a biawãra ara b̶uu.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Efesios 3:13

Maud̶eeba mʉʉba machimaa naka chi chuburia id̶iiruu: mʉ machi kakua nama naka biꞌiwãe b̶umina ãrea jirukaraarã́sturu. Maka ãrea biꞌiwãe b̶uu machi Dachi Akõre ome biꞌia nuread̶amera.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Efesios 4:17

Machiba biawãra waud̶amera, mʉʉba Dachi Mechiu trʉ̃d̶eeba nau jaraaruu: waa Dachi Akõre adua nuree kĩra nibarã́sturu. Ãchi kʉ̃risia biꞌiwãe nureed̶eeba nibabadau.

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Filipenses 3:10

Mʉʉba Cristo ãrea unui kʉ̃ria b̶uu. Ichi Dachi Akõre poyaabariid̶eeba chokae jiradusii. Mʉ ara mau poyaabariid̶eeba ichi baara nibai kʉ̃ria b̶uu. Maud̶eeba ichi ãrea biꞌiwãe b̶uad̶a kĩra mʉ sid̶a biꞌiwãe b̶uai kʉ̃ria b̶uu, maud̶e ichi biud̶a kĩra biui kʉ̃ria b̶uu.

Filipenses 4:13

Cristod̶eeba joma poyaa waui, ichiba mʉʉmaa meserãa b̶uabiiruud̶eeba.

Colosenses 1:11

Daiba Dachi Akõremaa ʉtaa id̶i panuu ichi poyaabarii ãrea b̶uud̶eeba machi chaarea panad̶amera. Maka machi ãrea biꞌiwãe paneeduud̶e maud̶e waabenarãba machi kachirua wauduud̶e, biꞌia dauchia jãadua panad̶ai.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

1 Tesalonicenses 3:4

Machi baara panasid̶aud̶e daiba jarabachid̶au ẽbẽrarãba dachi ãrea nebʉrad̶e panabid̶amera. Machiba kuitaa panuu biawãra makasii.

1 Timoteo 2:6

Ara ichi ida beabisii ẽbẽrarã joma kariba b̶uai baita. Dachi Akõreba b̶ud̶a ewarid̶e mau kuitaabisii.

2 Timoteo 1:10

Maabae Jesucristo, Dachi Karibabarii neesiid̶e unubisii saka ichi sõbiad̶eeba karibabarii. Dachi biui b̶uad̶a Jesucristoba wãꞌãebiped̶a, ewaricha chokae b̶uabisii. Chi bed̶ea biaba ichi ʉ̃rʉbena mau biꞌia kuitaabi b̶uu.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

2 Timoteo 1:16

Maamina mʉʉba kʉ̃ria b̶uu Dachi Mechiuba ãba Onesíforo ded̶ebenarã kĩra chuburia b̶uamera. Ichiba mʉ b̶es ãrea aid̶asii. Mʉ kaenaba jʉ̃ b̶umina mau kĩrakayaabasii.

2 Timoteo 2:3

Bichi Jesucristo kokoroa biad̶eeba mʉ kĩra biꞌiwãe b̶uai baita b̶uase.

2 Timoteo 2:8

Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

1 Juan 4:14

Daiba ichi Warr unusid̶aud̶eeba jara panuu Dachi Bajãad̶ebena Akõreba mau biawãra bʉisii nau iujãad̶ebenarã karibamera.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.

Apocalipsis 1:2

Joma mʉʉba unud̶a biawãra jara b̶uu. Mʉʉba jara b̶uu nau bed̶ea Dachi Akõred̶ebena nee b̶uu maud̶e Jesucristoba biawãra unubisii.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 12:11

Dachi ãbarãba Oeja Kaebe Nii oa ched̶aba maud̶e ichi bed̶ea jara panuud̶eeba poyaasid̶au. Dachi biud̶ai panuu ʉ̃rʉbena wapead̶aabasii, bari Cristo kakua biud̶ayua panasii.

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.