2 Timoteo 1:15 - Emberá Chamí

¹⁵ Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

2 Timoteo 1:15 Mawu Ofanana

Hechos 16:6

Pablo ichi ome nibad̶a sid̶a Frigia druad̶e maud̶e Galacia druad̶e nibasid̶au Dachi Akõre Jauriba chi bed̶ea Jesús ʉ̃rʉbena Asia druad̶e ida jarabiad̶aabasiid̶eeba.

Hechos 19:10

Año ome maka wausii. Maka joma Asia druad̶ebena judiorãba maud̶e judiowãerãba Dachi Mechiu Jesús ʉ̃rʉbena ũrisid̶au.

Hechos 19:27

Mauba chi dachiba ne waubadau ẽbẽrarãba mau kachirua unu paneed̶ai. Chi Artemisa de mechiu sid̶a waa trʉ̃ poa panad̶aabai. Makarã Asia druad̶e maud̶e joma nau druad̶e bid̶a chi Artemisad̶e ijãa panuuba waa aude kʉ̃risiad̶aabai».

Hechos 19:31

Mau awara waabenarã Asiad̶ebena karrarãba Pablomaa jarad̶e bʉisid̶au. Ichi ome kõpaerorãd̶eeba chi chuburia id̶isid̶au teatrod̶aa wãrãamera.

Hechos 2:9

Dachi tãed̶e Partiad̶ebena, Mediad̶ebena, Elamd̶ebena, Mesopotamiad̶ebena, Judead̶ebena, Capadociad̶ebena, Pontod̶ebena, Asiad̶ebena,

Hechos 20:16

Pablo Asia druad̶e ãrea b̶uamaaba, Éfeso puurud̶aa wãyaa wãsii. Ichi isa Jerusalend̶aa neei kʉ̃ria b̶uasii, makasirã poyaa neei, Pentecostés ewarid̶e aria b̶uai baita.

1 Corintios 16:19

Ãbarã Asia druad̶ebenarãba kʉ̃ria panuu machi biꞌia panad̶ayu. Ãba Aquilaba, neekau Priscilaba maud̶e ãbarã ãchi ded̶e araa ãbua imibadaurã Dachi Mechiud̶eeba kʉ̃ria panuu machi biꞌia panad̶ayu.

Filipenses 2:21

Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

2 Timoteo 4:16

Ara michi baita chi juez daad̶e berreasiid̶e ab̶au bid̶a mʉ kakua berreabasii, mʉ aid̶ai baita. Maumaarã jomaurãba mʉ ida b̶usid̶au. Mʉʉba kʉ̃riawẽe mau ʉ̃rʉbena Dachi Akõre daad̶e maarã nebʉra baraa panuu ayu.