2 Tesalonicenses 1:9 - Emberá Chamí

⁹ Ãchi tʉbʉ aokod̶e ewaricha ãrea biꞌiwãe panabiai. Dachi Mechiu daad̶ebena maud̶e ichi poyaabarii mechiud̶ebena kaitawẽ panad̶ai.

2 Tesalonicenses 1:9 Mawu Ofanana

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 22:13

Maud̶e chi reyba chi trajabadaurãmaa jarasii: “Nau ẽbẽra jua maud̶e jʉ̃rʉ bʉrad̶aped̶a awara pãriud̶aa jiratásturu. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai”.

Mateo 24:30

Maud̶e bajãad̶e ne unud̶ai. Mau mʉ, chi Ẽbẽra Ba B̶uad̶a neeruu ʉ̃rʉbena. Mau unuuduud̶e joma puuru nau iujãad̶ebenarã wapeaba jẽad̶ai. Mʉ jʉ̃rʉarad̶e poyaabarii baraa neeruu maud̶e kĩrawãrea ted̶echoa neeruu unud̶ai.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Mateo 26:24

Biawãra mʉ, chi Ẽbẽra Ba B̶uad̶a biui b̶uu Dachi Akõre bed̶ead̶e b̶ʉ kub̶uu kĩra. Maamina ¡chi mʉ jidaubiiruu ẽbẽra miichuburi nii! Bibuara b̶uasii chi naweba mau adaubai.

Mateo 7:23

Maud̶e mʉʉba arakʉd̶e jaraaruu: “Kachirua waubadaurã, ãyaa wã́sturu. Mʉʉba machi unukau”.

Lucas 13:27

Maud̶e ichiba machimaa jaraaruu: “Mʉʉba machi kai aduama maud̶e samabena aduama. Kachirua waubadaurã, ãyaa wã́sturu”.

Juan 5:14

Mau maad̶akare Jesusba ichi Dachi Akõre de mechiu dud̶a unusiid̶e jarasii: —Biꞌia ũrise: bichi aribiasiid̶eeba waa kachirua waurã́se bichi ẽpermo b̶uad̶a audeara kachirua b̶eerãamera.

Filipenses 3:19

Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

1 Tesalonicenses 5:3

Ẽbẽrarãba naka jara panad̶ai: «Joma jirukaraayuwãe panuu, perad̶awẽa panuu». Maka panuud̶e maarã joma baribai ewari neei wẽra warr bara nii barikiu ewarid̶e pirabari kĩra. Maud̶e maarã mirud̶aabai.

2 Tesalonicenses 2:8

Maabáeburu chi kachiruad̶ebena ẽbẽra neei. Maamina Dachi Mechiu Jesús kĩrawãrea ted̶echoa neeruud̶e ara berrearuuba mau ẽbẽra beai.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Hebreos 10:29

Maud̶eeba ¿saka kʉ̃risia panuma? ¿Dachi Akõreba chi ichi Warr ida b̶ubadaurã aude kastikaika? Dachi Akõreba ichi Warr oad̶eeba bed̶ea chiwid̶i deasii dachi ichi baita biꞌia b̶ui baita. Makarã ¿chi Dachi Akõreba ichi Warr oa ched̶a biꞌiwãe b̶uu abadaurã aude kastikaika? Mau awara Dachi Akõre Jauriba ichi sõbiad̶eeba dachi aid̶a b̶uu. Maka b̶uubʉrã ¿chi Dachi Akõre Jauri ʉ̃rʉbena kachirua jarabadaurã kastikawẽka?

2 Pedro 2:17

Setaa jaradeabadaurã mied̶e baniaswãe b̶uu kĩra nuree. Ãchi jʉ̃rʉara pũaturãba ãyaa adoeruu kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradea panuuba aid̶akau. Dachi Akõreba chob̶ea ãrea pãriu b̶uud̶e b̶usii ãchi kastikakuai baita.

2 Pedro 3:7

Ara mau kĩra Dachi Akõre bed̶eaba nau iujãa maud̶e bajãa nu uru b̶uu maud̶e ichiba kastikai ewarid̶e tʉbʉchiad̶e baai. Mau ewarid̶e chi ichi kʉ̃riad̶akaurã nebʉra ichiaped̶a joma kastikai.

Judas 1:13

Mard̶ebena ʉ̃rape meserãa kĩra nuree. Marba ichi ʉ̃raped̶ebena kõpepeabibarii kĩra, naarãba ne barikia nejasia waubadau. O kachiruad̶e wãaduud̶eeba, pusterrea aoko barikiud̶e wãaruu kĩra nuree. Dachi Akõreba chob̶ea pãriu kub̶usii ewaricha kastikakuai baita.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Apocalipsis 20:14

Dachi Akõreba chi biud̶ai joma wãꞌãebisii ea chob̶ead̶e azufre bara aoko nub̶uud̶e jirataaruu kĩra. Biuped̶aad̶a panabadaumarebena sid̶a aria jiratasii. Mau ea chob̶ead̶e azufre bara aoko nub̶uu b̶es ome biui jara b̶uu.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Apocalipsis 22:15

Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.