2 Tesalonicenses 1:5 - Emberá Chamí

⁵ Mauba kuitaabi b̶uu Dachi Akõre jipa niiba ẽbẽrarã kastikabarii. Ichiba machi biꞌia unu b̶uu ichi juad̶e ua b̶uai baita. Maud̶eeba ʉ̃raud̶aa ãrea biꞌiwãe panuu.

2 Tesalonicenses 1:5 Mawu Ofanana

Lucas 20:35

Maamina chi Dachi Akõreba jipa unu b̶uu ẽbẽrarã chokae jiradud̶ai. Mau ewarid̶e kima adaud̶aabai maud̶e ab̶au bid̶a wẽra dead̶aabai miakãimera, maumaarã Dachi Akõre angelerã kĩra nuread̶ai.

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Hechos 13:46

Mau Pabloba maud̶e Bernabeba wapeawẽa ãchimaa naka jarasid̶au: —Biawãra daiba machimaa Dachi Akõre bed̶ea naa jarad̶ai panasid̶au. Maamina machiba mau bed̶ea ida b̶u panuud̶eeba maud̶e machimaarã ewaricha Dachi Akõre ome chokae b̶uai kʉ̃riad̶awẽed̶eeba, daiba judiowãerãmaa mau bed̶ea jarad̶e wãd̶ai.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Filipenses 1:28

Machi kĩramaabadau ab̶a bid̶a wapearã́sturu. Mauba kuitaabii Dachi Akõreba ãchi baribai, maamina machi karibai. Mau Dachi Akõreba joma wau b̶uu.

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

1 Tesalonicenses 2:14

Ãbarã, machiba ijãa panuu kakua ara machi druad̶ebenarãba kachirua wau panasid̶au Dachi Akõred̶e ẽbẽrarã judiorã druad̶e makaped̶aad̶a kĩra. Aria Jesucristod̶e ijãabadaurã judiorã chi ijãad̶akaurãba kachirua wau panasid̶au.

2 Tesalonicenses 1:11

Maud̶eeba daiba ewaricha Dachi Akõremaa ʉtaa id̶ibadau ichiba machi biꞌia unumera. Ichiba machi mau kakua iusii. Daiba ʉtaa id̶i panuu Dachi Akõreba ichi poyaabariid̶eeba machi ne jomad̶e aid̶amera. Maka ichid̶e ijãa panuud̶eeba biꞌia wau kʉ̃ria panuu joma waud̶ai.

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

Apocalipsis 15:4

Dai Mechiu, ¿kaiba bichi wapeabai b̶uma? ¿Kaiba bichi chi Mechiu nii aabaima? Bichi Dachi Akõre báitaburu niibʉ. Joma druachad̶ebena imiped̶aad̶aba bichimaa biꞌia berread̶ai, bichiba chi jipa wau b̶uu jomaurãmaa unubiasiid̶eeba».

Apocalipsis 16:7

Mau maad̶akare mʉʉba ũrisii kera baa deabadau bajãad̶e b̶uareeba ab̶auba naka berrearuu: «Dai Akõre Mechiu chi Joma Poyaabarii, bichi biawãra niid̶eeba arakʉd̶e ẽbẽrarã kastikabarii».

Apocalipsis 19:2

Ichi biawãra niid̶eeba arakʉd̶e ẽbẽrarã kastikabarii. Wẽra aud̶uabarii trʉ̃ poa b̶uad̶a kastikasii, mauba joma chi nau iujãad̶ebenarãmaa arab̶au kachirua waubiasiid̶eeba. Dachi Akõreba mau wẽra kastikasii chi ichi baita bari trajabadaurã kenad̶a kakua».

Apocalipsis 3:4

Maamina machi Sardisd̶ebena b̶aꞌãra barau chi kachiruad̶e panabadauwãe, machi paru jayoaswãe panuu kĩra. Machi mʉ baara ãbua nibad̶ai baita biꞌia panuud̶eeba, paru torroa jʉ̃ʉduud̶e mʉ baara nibad̶ai.