2 Corintios 7:15 - Emberá Chamí

¹⁵ Titoba kĩraba b̶uabarii machiba ichi bed̶ea ijãaped̶aad̶a maud̶e wapea panuud̶eeba ichi biꞌia irsibisid̶au. Maud̶eeba machi ãrea kʉ̃ria b̶uu.

2 Corintios 7:15 Mawu Ofanana

Juan 16:21

Biawãra wẽraba warr adauruud̶e b̶i pirabarii ichi ewari neesiid̶eeba. Maamina warr adaud̶akare mau puaba waa kĩrabakau ichi warr kakua kĩrajʉʉ b̶uud̶eeba.

Hechos 16:29

Maabae chi jʉ̃a b̶ee nubariiba ʉ̃d̶aa koabarii adoebiped̶a Pablo maud̶e Silas panuumaa isa ed̶aa wãsii. Wapeaba uri kub̶uuba ãchi jʉ̃rʉ kaita õdarrd̶eeba kob̶eesii.

1 Corintios 2:3

Maud̶e mʉ meserãaswãe b̶uu kʉ̃risiasii. Maud̶e poyaa biꞌia jaradeawẽe kʉ̃risia b̶uasiid̶eeba wapeaba chi kakua uri b̶uabachii.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

2 Corintios 6:12

Biawãra daiba machi sõd̶eeba kʉ̃ria panuu, maamina machiba sõd̶eeba dai kʉ̃riawẽa panuu.

Efesios 6:5

Chibari baita bari trajabadaurã, machi chi nau iujãad̶ebena chibari wapea panuud̶eeba, ichiba jaraaruu machi sõd̶eeba joma wáusturu Cristo bed̶ea ijãa panuu kĩra.

Filipenses 1:8

Dachi Akõreba kuitaa b̶uu mʉʉba Jesucristo ãrea kʉ̃ria b̶uud̶eeba joma machi sid̶a ãrea kʉ̃riakua b̶uu.

Filipenses 2:12

Maka mʉ ãbarã chi kʉ̃ria, mʉ machi ome b̶uasiid̶eeba Dachi Akõre bed̶ea jara b̶uu kĩra wau panuu. Jãabae mʉ machi ome b̶uuwãemina Dachi Akõre ãrea wapea panuud̶eeba wau panásturu ichiba machi karibasiid̶eeba.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

2 Tesalonicenses 3:14

Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

1 Juan 3:17

Chi nau iujãad̶e chi nejarr barau niiba chi nejarr barauwãe nii ãba unu b̶uu aid̶awẽebʉrã, ¿Dachi Akõreba chi kʉ̃ria ichi sõd̶e uru b̶uka? Uru b̶uuwãe.