2 Corintios 6:11 - Emberá Chamí

¹¹ Ãbarã Corintod̶ebena, daiba sõd̶eeba machi ãrea kʉ̃ria panuud̶eeba arakʉd̶e jara panuu.

2 Corintios 6:11 Mawu Ofanana

Hechos 18:1

Mau maad̶akare Pablo Atenas puurud̶ebena Corinto puurud̶aa wãsii.

Hechos 18:8

Judiorã araa ãbua imibadau ded̶ebena chi karr Crispo abachid̶au. Mau Crispoba maud̶e joma ichi ded̶ebenarãba Dachi Mechiud̶e ijãasid̶au. Mau awara ãrea Corintod̶ebenarãba ũrisid̶au Pabloba Jesús ʉ̃rʉbena jaradea b̶uu. Chi ijãad̶aped̶a boro easid̶au.

2 Corintios 12:15

Ara mʉ maud̶e joma mʉʉba uru b̶uu kĩrajʉʉ deai machi aid̶ai baita. Mʉ ãrea kʉ̃riad̶awẽa panumina, mʉʉba machi aude kʉ̃riakua b̶uai.

2 Corintios 2:4

Biawãra mau karta b̶ʉsii machi iadaai baita. Maamina maka b̶ʉʉbasii machi kĩra nomaad̶amera, maumaarã kuitaad̶amera mʉʉba machi biawãra kʉ̃ria b̶uu. Maud̶eeba mʉʉba kĩra nomaad̶eeba, ãrea kʉ̃risia b̶uud̶eeba maud̶e jẽa b̶uud̶eeba mau karta b̶ʉ b̶uasii.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

Gálatas 4:12

Ãbarã, mʉ machi judiowãe kĩra b̶uai baita, Moisesba b̶ʉd̶a ida b̶usii. Maud̶eeba mʉʉba machimaa chi chuburia id̶iiruu mʉ kĩra mau Moisesba b̶ʉd̶ad̶e panarãad̶amera. Naed̶e machiba mʉʉmaa kachirua waud̶aabasii, maumaarã biꞌia wausid̶au.

Efesios 6:19

Maud̶e mʉ baita Dachi Akõremaa ʉtaa id̶i panásturu. Ichimaa ʉtaa id̶ísturu mʉʉmaa kuitaabimera saka Cristo ʉ̃rʉbena berreai b̶uu. Maka mʉʉba wapeawẽa ẽbẽrarãmaa kuitaabiai chi bed̶ea bia Cristo ʉ̃rʉbena, Dachi Akõreba naed̶e kuitaabiwẽa b̶uad̶a.

Efesios 6:8

Machiba kuitaa panuu chibari baita bari trajabariibʉrã maebʉrã chibariswãe niibʉrã, Dachi Mechiuba dachimaa dachicha bajãad̶e deai dachiba wauped̶aad̶a kĩra.

Filipenses 1:8

Dachi Akõreba kuitaa b̶uu mʉʉba Jesucristo ãrea kʉ̃ria b̶uud̶eeba joma machi sid̶a ãrea kʉ̃riakua b̶uu.

Filipenses 4:15

Ãbarã Filipod̶ebenarã, machiba kuitaa panuu chi bed̶ea bia Cristo ʉ̃rʉbena arab̶aed̶eed̶e ijãasid̶aud̶e, mʉ Macedonia druad̶ebena wãsiid̶e waabenarã ãbarã puurud̶ebenarãba mʉ baita ne urubʉid̶aabasii. Machiaburu mʉ baita makasid̶au.

Apocalipsis 22:12

»¡Ũrísturu, mʉ kãꞌãabariwãed̶e neei! Neeruud̶e mʉʉba jomaurãmaa dead̶akai baita adooi ãchiba wauped̶aad̶a kĩra.