2 Corintios 12:1 - Emberá Chamí

¹ Waya ara mʉ ʉ̃rʉbena biꞌia berreai, mauba waabenarã aid̶akamina. Dachi Mechiuba mʉ daumaa unubid̶a maud̶e kuitaabid̶a mʉʉba jaraaruu.

2 Corintios 12:1 Mawu Ofanana

Juan 16:7

Mʉʉba biawãra jaraaruu: machi baita biꞌia b̶uu mʉ wãi. Mʉ wãwẽebʉrã machi Aid̶abarii neebai. Maamina mʉ wãaruubʉrã chi mau machimaa bʉii.

Juan 18:14

Ara mau Caifasba judiorãmaa jarasii biꞌia b̶uu ẽbẽra ab̶a jomaurã kakua biui.

Hechos 18:9

Ewari ab̶aud̶e ẽsabud̶e Dachi Akõreba Pablo daumaa unubisii Dachi Mechiuba ichimaa naka jaraaruu: «Wapearã́se. Jaradea b̶uase. Maud̶e chũpearã́se.

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

1 Corintios 10:23

Waabenarãba jara panuu «Cristod̶e ijãa b̶uud̶eeba mʉʉba kʉ̃ria b̶uu kĩra joma waui b̶uu». Maamina mʉʉba jaraaruu: ne joma waui b̶umina joma dachiba wau kʉ̃ria b̶uuba dachi aid̶akau. Biawãra joma dachiba wau kʉ̃ria b̶uu waui b̶umina joma mauba ãbarã aid̶akau.

1 Corintios 14:6

Maud̶eeba ãbarã, mʉ machimaa wãped̶a dachiba ũrid̶akau bed̶ead̶e berrearuubʉrã, ¿machi saka aid̶aima? Aid̶aabai. Maamina dachiba ũribadau bed̶ead̶e Dachi Akõreba mʉʉmaa unubid̶a jaraaruubʉrã, maebʉrã Dachi Akõre kʉ̃risia kuitaad̶eeba berrearuubʉrã, maebʉrã Dachi Akõre baita berrearuubʉrã, maebʉrã Dachi Akõre bed̶ea jaradeaibʉrã mauba joma poyaa aid̶ai.

1 Corintios 6:12

Machid̶ebenarã chi nureerãba jarabadau: «Cristod̶e ijãa b̶uud̶eeba mʉʉba kʉ̃ria b̶uu kĩra joma waui b̶uu». Maamina mʉʉba jaraaruu dachiba kʉ̃ria b̶uu joma waud̶ai b̶umina, joma dachiba wau kʉ̃ria panuuba dachi aid̶akau. Maud̶eeba joma mʉʉba wau kʉ̃ria b̶uu mʉʉmaa ida kabiibai.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 12:5

Mau ãba ʉ̃rʉbena mʉʉba biꞌia berreai, maamina ara mʉ ʉ̃rʉbena biꞌia berreawẽma. Ab̶aburu mʉ meserãaswãe nii ʉ̃rʉbena biꞌia berreai.

2 Corintios 12:7

Dachi Akõreba mʉʉmaa bajãad̶e unubid̶a ãrea bibuara b̶uasii. Maamina mʉʉba ara mʉ ʉ̃rʉbena ãrea biꞌia kʉ̃risiarãamera, Dachi Akõreba mʉʉmaa puꞌuabisii ʉriba su nub̶uu kĩra. Satanasba bʉid̶aba maka waubarii.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

2 Corintios 8:10

Mʉʉmaarã machiba naka wauduubʉrã biꞌia panad̶ai: Nabena año basiid̶e machiba waabenarã audeara naa chi nejarra ped̶ai paneesid̶au maud̶e maka waud̶ai kʉ̃riasid̶au.

Gálatas 1:12

Mau bed̶ea mʉʉba ab̶a ẽbẽrad̶ebena kuitaabasii. Ab̶a ẽbẽraba mʉʉmaa jaradeabasii. Maumaarã Jesucristoba mʉʉmaa kuitaabisii.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Efesios 3:3

Ichiba naed̶e kuitaabiwẽa b̶uad̶a mʉʉmaa kuitaabisii. Mau ʉ̃rʉbena mʉʉba nau kartad̶e b̶aꞌãra b̶ʉsii.

1 Tesalonicenses 4:15

Mau baita Dachi Mechiuba jarad̶a daiba machimaa jaraaduu: Dachi Mechiu neeruud̶e dachi, chi wabid̶a chokae nuree chi biuped̶aad̶a naa ichimaa wãd̶aabai.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.