2 Corintios 11:21 - Emberá Chamí

²¹ Mʉʉba jaraaruu: mʉ machi tãed̶e b̶uasiid̶e, jãarã kĩra b̶uabasii. Machimaarã, mʉ maka chi poyaabariiswãe b̶uad̶a kakua, ¿nejasia b̶uai b̶uka? Ab̶auba ara ichi ʉ̃rʉbena poyaa biꞌia berrearuubʉrã, mʉa bid̶a ara mʉ ʉ̃rʉbena poyaa biꞌia kʉ̃riai. Maamina maka berrearuud̶e kʉ̃risiaswãe nii kĩra berreai b̶uu.

2 Corintios 11:21 Mawu Ofanana

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 11:1

Mʉ kʉ̃risiaswãe nii kĩra berrea b̶umina kʉ̃ria b̶uu machiba dauchia jãadua panad̶ai. Mʉ chi chuburia id̶iiruu mʉʉba jaraaruu ũrísturu.

2 Corintios 11:17

Ara mʉ ʉ̃rʉbena biꞌia berrea b̶uud̶e Dachi Mechiuba maka berreabiwẽa b̶uu, maumaarã mʉ kʉ̃risiaswãe nii kĩra berrea b̶uu.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 6:8

B̶esed̶e waabenarãba dai ʉ̃rʉbena biꞌia jarabadau. B̶esed̶e kachirua jarabadau. B̶esed̶e dai ʉ̃rʉbena kachirua trʉ̃ poabadau. B̶esed̶e biꞌia trʉ̃ poabadau. Daiba chi biawãra bed̶ea jara panumina waabenarãba jara panuu dai setaa jarabadau abadau.