2 Corintios 11:19 - Emberá Chamí

¹⁹ Machi kʉ̃riskawa nureed̶eeba nau kʉ̃risiaswãe niiba jaradea b̶uu machiba dauchia jãadua panabadau.

2 Corintios 11:19 Mawu Ofanana

1 Corintios 10:15

Mʉʉba machimaa berrearuu kʉ̃risia kuitaa nureerãmaa berrearuu kĩra. Ãrea kʉ̃risiásturu mʉʉba jara b̶uu biawãra kuitaai.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

1 Corintios 8:1

Jãabae Dachi Akõre kuenda juaba ne kaped̶aad̶amaa ãnimara kiuru baa dead̶a ʉ̃rʉbena mʉʉba jaraaruu. Machiba jara panuu mau ʉ̃rʉbena kʉ̃risia kuitaa panuu. Maamina chi kʉ̃risia kuitaaba dachi waabenarã audeara biꞌia b̶uu kʉ̃risiabiabarii. Dachiba waabenarã kʉ̃ria panuud̶eeba waabenarã aid̶abadau.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 3:17

Machiba chi nejarr barau nuree a panuu, ne joma uru panuu a duanuu, maud̶e ne ab̶a bid̶a wãꞌãe nistad̶ai baita a duanuu. Maamina adua panuu machi miichuburi duanuu, kachirua duanuu, ne ab̶a bid̶a uru panuuwãe, dau pãriu duanuu maud̶e ãkad̶aa duanuu.