2 Corintios 10:1 - Emberá Chamí

¹ Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 10:1 Mawu Ofanana

Mateo 11:29

Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.

Mateo 21:5

«Sión puurud̶ebenarãmaa jarásturu: “Ichiásturu, machi Rey burro ʉ̃rʉ machimaa neeruu. Chi mechiu kĩra neewẽe. Burro cheke ʉ̃rʉ neeruu”».

Hechos 8:32

Ichiba Dachi Akõre bed̶ead̶e ed̶a jara b̶uad̶a nau basii: «Oeja beabadaumaa adoebadau kĩra ichi bead̶e adoesid̶au. Chi kara kõmaa panuud̶e oeja chũpea b̶uabarii kĩra ara mau kĩra ichi chũpea b̶uasii.

Romanos 10:20

Maud̶e Isaiasba Dachi Akõred̶eeba wapeawẽa naka jarasii: «Chi mʉ jʉrʉd̶awẽa panad̶aba mʉ unusid̶au. Chi mʉ ʉ̃rʉbena id̶id̶awẽa panad̶arãmaa mʉ ʉ̃rʉbena kuitaabiasii».

Romanos 12:1

Mauba ãbarã, Dachi Akõreba machi kĩra chuburiasiid̶eeba, mʉʉba machimaa chi chuburia id̶iiruu ara machi Dachi Akõremaa dead̶amera, ãnimara baa deabadau kĩra. Mau ãnimara biud̶a audeara, ichi baita biꞌia panásturu machi biꞌia unumera.

Romanos 15:15

Maamina nau kartad̶e mʉʉba chi b̶ee kʉ̃risia b̶ʉsii machiba kĩrabad̶amera. Maka b̶ʉsii Dachi Akõreba ichi sõbiad̶eeba mʉ b̶usiid̶eeba,

1 Corintios 2:3

Maud̶e mʉ meserãaswãe b̶uu kʉ̃risiasii. Maud̶e poyaa biꞌia jaradeawẽe kʉ̃risia b̶uasiid̶eeba wapeaba chi kakua uri b̶uabachii.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

1 Corintios 4:21

Mau ¿machiba saka kʉ̃ria panuma? ¿Kʉ̃ria panuka mʉʉba iadaad̶e wãi maebʉrã kʉ̃riad̶eeba, biꞌia berread̶eeba wãi?

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 10:2

Maka jara panumina machimaa neeruud̶e dai kachirua jara panuu mʉʉba biawãra iadaai. Ãchiba jara panuu dai nau kakuaba kʉ̃ria b̶uu kĩra nibabadau. Maud̶eeba machi sid̶a iadaamaaba mʉʉba chi chuburia id̶iiruu jipa waud̶amera.

2 Corintios 10:7

Machiba chi ʉ̃rʉbena ichia panuu. Barikiuba biawãra Cristod̶e b̶uu kʉ̃risia b̶uubʉrã, kuitaa b̶uai b̶uu dai sid̶a Cristod̶erã.

2 Corintios 11:21

Mʉʉba jaraaruu: mʉ machi tãed̶e b̶uasiid̶e, jãarã kĩra b̶uabasii. Machimaarã, mʉ maka chi poyaabariiswãe b̶uad̶a kakua, ¿nejasia b̶uai b̶uka? Ab̶auba ara ichi ʉ̃rʉbena poyaa biꞌia berrearuubʉrã, mʉa bid̶a ara mʉ ʉ̃rʉbena poyaa biꞌia kʉ̃riai. Maamina maka berrearuud̶e kʉ̃risiaswãe nii kĩra berreai b̶uu.

2 Corintios 11:30

Ara mʉ ʉ̃rʉbena biꞌia berrearuubʉrã, mʉ meserãaswãe nii ʉ̃rʉbena biꞌia berreai.

2 Corintios 12:5

Mau ãba ʉ̃rʉbena mʉʉba biꞌia berreai, maamina ara mʉ ʉ̃rʉbena biꞌia berreawẽma. Ab̶aburu mʉ meserãaswãe nii ʉ̃rʉbena biꞌia berreai.

2 Corintios 3:12

Mau bed̶ea chiwid̶i dead̶a biawãra wãꞌãekau kuitaa panuud̶eeba daiba biꞌia jaradeabadau.

2 Corintios 5:20

Maud̶eeba Cristoba dai bʉisii ichi baita berread̶amera. Daid̶eeba Dachi Akõreba machi iu b̶uu ichi ome waya ãbua panad̶amera. Daiba Cristo trʉ̃d̶eeba chi chuburia id̶iiduu: Dachi Akõre ome waya ãbua panásturu.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

2 Corintios 7:4

Mʉʉba machimaa biawãra berrea b̶uu maud̶e machi kakua mʉ kĩrajʉʉ b̶uu. Dai ãrea biꞌiwãe panuud̶e mʉ machi kakua sõbiad̶eeba b̶uabarii maud̶e ãrea kĩrajʉʉ b̶uabarii.

Gálatas 4:13

Kuitaa panuu mʉʉba machimaa chi bed̶ea bia Cristo ʉ̃rʉbena naa jarad̶e wãsiid̶e, mʉ ẽpermo b̶uasiid̶eeba machimaa jaradea b̶eesii.

Gálatas 5:2

Mʉ Pablobʉ. ¡Ũrísturu! Mʉʉba nau machimaa jaraaruu: machi mukĩra chi kakua tõod̶ai panuu a kʉ̃risia panuubʉrã, Cristoba machi baita waud̶aba karibaabai.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Efesios 4:1

Mʉ Dachi Mechiu kakua jʉ̃a uru panuu. Mʉʉba machimaa chi chuburia id̶iiruu jipa nibad̶amera. Dachi Akõreba machi iusii maka nibad̶amera.

Filipenses 4:5

Machi ẽbẽrarã bia nuree, jomaurãmaa unubiásturu. Dachi Mechiu neei ewari ʉ̃rʉ ba b̶uu.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

2 Tesalonicenses 3:17

Mʉ Pablobʉ. Nau bed̶ea mʉ juaba b̶ʉʉruu. Joma mʉ kartad̶e naka b̶ʉbarii, kuitaabiai baita mʉaburu b̶ʉʉruu. Naka b̶ʉ kub̶uabarii.

Filemón 1:19

Ara mʉ juaba naka b̶ʉʉruu: mʉʉba mau deai b̶uu deai. ¡Kĩrabase mʉʉd̶ebena Cristod̶e ijãasiid̶eeba bichiba mʉʉmaa deai uru b̶uu!

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.