1 Timoteo 6:5 - Emberá Chamí

⁵ Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

1 Timoteo 6:5 Mawu Ofanana

Mateo 12:33

»Nejõo biꞌia chauruubʉrã kuitaabadau bakuru bia b̶uu. Maamina biꞌia chauwẽebʉrã kuitaabadau mau bakuru chi biawãe b̶uu. Bakuru chi nejõod̶eeba kuitaabadau.

Mateo 21:13

Ãchimaa naka jarasii: —Dachi Akõre bed̶ead̶e naka b̶ʉ kub̶uu: “Mʉ de, chi ʉtaa id̶ibadau de ad̶ai”. Maamina machiba “nechiruabadaurã de chob̶ea kĩra” uru panuu.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

1 Corintios 11:16

Ab̶auba mau kakua oa kachirua berrea b̶eeruubʉrã, mʉʉba nau ichimaa jaraaruu: daiba maud̶e ẽbẽrarã Dachi Akõred̶erã awara waud̶akau.

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.

1 Timoteo 1:6

Maamina waabenarã o ãyare wãsid̶au. Maabae barikia dachi aid̶akau bed̶eáturu berreabadau.

1 Timoteo 3:3

Itua biu nibaabai b̶uu. Kĩrubi id̶aa nibaabai b̶uu, maumaarã kĩrabia b̶uai b̶uu. Jomaurã ome jirukaraayuwãe b̶uai b̶uu. Chi nejarra kʉ̃ria nibaiswãe b̶uai b̶uu.

1 Timoteo 3:8

Ara mau kĩra ijãabadaurã aid̶abadaurã jipa nibad̶ai panuu ẽbẽrarãba wapead̶amera. Ãchiba setaa berread̶aabai panuu, itua biu nibad̶aabai panuu, maud̶e chi nejarra kʉ̃ria panad̶aabai panuu.

1 Timoteo 4:7

Nabẽraed̶ebena nebʉrʉbadau kachirua b̶ee ida b̶use. Dachi Akõreba kʉ̃ria b̶uu kĩra nibai baita jʉrʉse.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

1 Timoteo 6:6

Biawãra jipa nid̶aud̶eeba ne bia ãrea uru panuu, maamina ara dachiba nau druad̶e uru panuuba kĩrajʉʉ nureebʉrã.

2 Timoteo 3:5

Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

2 Timoteo 3:8

Jãarã setaa jaradeabadaurã chi biawãra bed̶ea ida b̶ubadau. Janes maud̶e Jambres abadau kĩra waubadau, chi Moisés bed̶ea ida b̶uped̶aad̶arã. Ãchiba kʉ̃risia kachirua kʉ̃risiabadau maud̶e biawãra Cristod̶e ijãad̶akau.

Tito 1:11

Ãchiba chi jaradeabai b̶uu jaradea panuud̶eeba decha ẽbẽrarãmaa biꞌiwãe kʉ̃risiabiabadau. Ab̶a chi nejarra bareburu jaradeabadau. Maarãmaa ida jaradeabiarã́se.

2 Pedro 2:15

Dachi Akõre o jipa b̶uu ida b̶ud̶aped̶a o ãyaa wãsid̶au. Beor warr Balán abadauba waud̶a kĩra waubadau. Balán chi nejarra kʉ̃ria b̶uasiid̶eeba chi nejarra baita kachirua waui kʉ̃risiasii.

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.

Judas 1:11

¡Miichuburi chi kachiruad̶e nuree! Ãchiba Cainba waud̶a kĩra waubadau. Chi nejarra kʉ̃riabadaud̶eeba, kachirua wau nibabadau, Balaanba waud̶a kĩra. Coreba Moisés ida b̶ud̶a kĩra, Dachi Akõre ida b̶usid̶aud̶eeba, kastikakuai.

Apocalipsis 18:13

Canela, joma barikiu ne tuwaa, incienso ne tuwaa, mirra ne tuwaa, kera, uva b̶aa, olivo drabirua, harina biꞌia b̶ad̶a, trigo, pakarã, oejarã, murarã maud̶e karretarã nedobʉibachid̶au. Maud̶e mau puurud̶e ẽbẽrarã sid̶a nedobʉibachid̶au chibari baita bari trajabadaurã nuread̶amera.

Apocalipsis 18:3

Mau puurud̶ebenarãba mia kĩra nejasia wau panuud̶eeba, drua aꞌawaraabenamaa ara mau kĩra kachirua waubiasid̶au uva b̶aa asia doobai panuud̶e dobiaduu kĩra. Maud̶e reyrã joma druachad̶ebenarãba ara mau kĩra waubiasid̶au wẽra aud̶uabarii ome kachirua wau panuu kĩra. Chi nau iujãad̶ebena ne kaebea nedobadau barau duaneesii, mau puurud̶ebenarãba ne kaebea chi aude chi bia ãrea adaud̶ai kʉ̃ria panasiid̶eeba».