1 Timoteo 6:21 - Emberá Chamí

²¹ Waabenarãba mau kʉ̃risia ijãabadau. Maud̶eeba ãchiba Cristod̶e ijãa panad̶a ida b̶usid̶au. Mʉʉba kʉ̃ria b̶uu Dachi Akõreba ichi sõbiad̶eeba bichi aid̶a b̶uai.

1 Timoteo 6:21 Mawu Ofanana

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Romanos 1:7

Mʉʉba nau karta b̶ʉʉruu joma Romad̶ebena ãbarã baita. Dachi Akõreba machi kʉ̃ria b̶uu maud̶e iusii ichi ẽbẽrarã nuread̶amera. Mʉʉba kʉ̃ria b̶uu Dachi Bajãad̶ebena Akõreba Dachi Mechiu Jesucristo ome ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai.

Romanos 16:20

Chi dachi jirukaraayuwãe b̶uabiabarii Dachi Akõreba kãꞌãabariwãed̶e Satanás poyaaped̶a machi juad̶e b̶ui. Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Romanos 16:23

Ãba Gayo bid̶a kʉ̃ria b̶uu machi biꞌia duanad̶ai. Mʉ ichi ded̶e b̶uu. Ãbarã jomaurã ichi ded̶e araa ãbua imi panuu. Nau puurud̶ebena chi nejarra nubarii Erastoba maud̶e ãba Cuarto kʉ̃ria panuu machi biꞌia duanad̶ai.

Colosenses 4:18

Mʉ Pablobʉ. Ara mʉ juaba b̶ʉʉruu mʉʉba jarabʉiruu machi biꞌia duanad̶ai. Mʉ jʉ̃a uru panuud̶eeba Dachi Akõremaa ʉtaa id̶i panásturu. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uayu.

1 Timoteo 1:6

Maamina waabenarã o ãyare wãsid̶au. Maabae barikia dachi aid̶akau bed̶eáturu berreabadau.

1 Timoteo 6:10

Chi nejarra kʉ̃ria b̶uud̶eeba ne kachirua ãrea neebarii. Ara mau kʉ̃ria panuud̶eeba waabenarãba Cristod̶e ijãa panad̶a ida b̶usid̶au. Maka ãchi ãrea biꞌiwãe panasid̶au.

2 Timoteo 2:18

Ãchi chi biawãra bed̶ead̶ebena ãyaa wãsid̶au. Ãchiba jaradeabadau ẽbẽrarã biuped̶aad̶a chokae jiraduped̶aad̶a. Maud̶eeba waabenarãba Cristod̶e ijãa panuu ʉ̃rʉbena ãyaa kʉ̃risia paneesid̶au.

2 Timoteo 4:22

Mʉʉba kʉ̃ria b̶uu Dachi Mechiu Jesucristo bichi ome b̶uai maud̶e Dachi Akõreba ichi sõbiad̶eeba machi aid̶a b̶uai. Biꞌia b̶uu maka b̶uai.

Tito 3:15

Joma mʉ ome panuuba jarabʉi panuu bichi biꞌia b̶uai. Chi Cristod̶e ijãabadaurãmaa jarábad̶e ase daiba jarabʉi panuu maarã biꞌia duanad̶ai. Daiba maarã ãrea kʉ̃ria panuu. Mʉʉba kʉ̃ria b̶uu Dachi Akõreba ichi sõbiad̶eeba joma machi kariba b̶uai.

Hebreos 13:25

Mʉʉba kʉ̃ria b̶uu Dachi Akõreba ichi sõbiad̶eeba machi joma aid̶a b̶uai.